१२ हजार ४०६ को परीक्षण गर्दा २ हजार ४०७ नयाँ कोरोना संक्रमित थपिए, ४६ जनाको निधन
- गाउँ सहर संवाददाता
- ३० जेठ आइतबार, २०७८ | १६:५५:०० मा प्रकाशित
काठमाडौँ । नेपालमा कोरोनाभाइरसको सक्रिय संक्रमितको संख्या घट्दै गएको छ । दैनिक मृतकको संख्या घटेको छ । नयाँ थपिने संक्रमितको संख्यापनि कम भएको छ भने निको हुने दर बढेको छ । यो खुसीको खबर हो ।
कोरोनाभाइरसको कारण नेपालमा पछिल्लो २४ घण्टामा ४६ जनाको मृत्यु भएको छ । याेसहित कुल मृतककाे संख्या ८ हजार ४१२ पुगेकाे छ । यो मृत्यु नेपाली सेनाद्वारा विभिन्न मितिमा शव व्यवस्थापन गरेका समेत हुन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा दुबै विधिबाट १२ हजार ४०६ को परीक्षण गरिएकोमा २ हजार ४०६ नयाँ संक्रमित थपिएका छन् । योसहित कुल संक्रमितको संख्या ६ लाख २८ हजार २४२ पुगेको छ । सम्पूर्ण गरेर ३१ लाख २२ हजार ५५४ को परीक्षण भइसकेको छ ।
पछिल्ल थपिएका संक्रमितमा काठमाडौँमा ४८३, भक्तपुरमा ५८ र ललितपुरमा ११२ गरी ६५३ नयाँ थपिएका छन् ।
मन्त्रालयका अनुसार पछिल्लो २४ घण्टामा ३ हजार ९९४ जना निको भएका छन् । योसहित कुल निको हुनेको संख्या ५ लाख ३१ हजार १०५ पुगेको छ ।
मन्त्रालयका अनुसार अहिले देशभरमा ६८ हजार ९५५ सक्रिय संक्रमित रहेका छन् । मन्त्रालयका अनुसार देशभरका अस्पतालहरुमा १ हजार १०० को आइसियूमा र ३४७ जनाको भेन्टिलेटरमा उपचार भइरहेको छ । उसका अनुसार अहिले होम आइसोलेशनमा रहनेको संख्या ६४ हजार ७४४ र संस्थागत आइसोलेशनमा रहनेको संख्या ५ हजार २११ छ । क्वारेन्टाइनमा रहनेको संख्या ५४८ छ ।
पछिल्लो समय कोरोना कहर बढ्दै जाँदा कोरोनाको चेन ब्रेक गर्न धेरै स्थानहरुमा कडा निषेधाज्ञा जारी गरिएको छ भने काठमाडौँ उपत्यकामा केहि खुकुलो गरिएको छ ।
पछिल्लो २४ घण्टाको तथ्याँकले पनि २१ वर्षदेखि ६० वर्ष समूहमा सबैभन्दा बढी संक्रमण देखिएको छ ।
मन्त्रालयका अनुसार ४५ जिल्लाहरुमा संक्रमणको दर ५०० माथि छ । उसका अनुसार सक्रिय संक्रमित हुने सबैभन्दा बढी बागमती प्रदेशमा ३८ प्रतिशत, लुम्बिनीमा १६, १३ प्रतिशत प्रदेश १ मा, गण्डकीमा १०, कर्णालीमा ५ र सुदूरपश्चिममा ९ प्रतिशत रहेको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- सुस्ताएकाे शेयरबजारमा ३ अर्ब ६३ करोडकाे काराेबार
- सुस्ताएकाे शेयरबजारमा ३ अर्ब ६३ करोडकाे काराेबार
- सुस्ताएकाे शेयरबजारमा ३ अर्ब ६३ करोडकाे काराेबार
- प्रधानमन्त्रीसँग सांसदहरूको सवाल-जवाफ (लाइभ)
- फेरिए ११ जिल्लाका सीडीओ, अध्यागमन विभागको महानिर्देशकमा निरौला
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
प्रतिकृया दिनुहोस