काठमाडाैँ । अपूर्ण निद्रा गम्भीर समस्या बनेको छ । यसकाे सम्बन्ध उच्च रक्तचाप, हृदयघात र स्ट्रोक रोगहरूसँग हुन्छ । निन्द्राको अभावबाट पीडित व्यक्तिहरू प्रायः बेचैनी र उदासीनताको गुनासो गर्दछन् । एक घण्टा भन्दा पनि कम निन्द्राले स्वास्थ्यमा खराब प्रभाव पार्न सक्छ ।
एल्सभियर पत्रिकामा प्रकाशित एउटा रिपोर्ट अनुसार, जो पर्याप्त निन्द्रामा छैनन् उनीहरूमा आत्महत्या गर्ने विचारहरू बढी हुन्छ । त्यस्ता व्यक्तिहरूमा आत्महत्या दर पनि उच्च रहेको पाइएको छ ।
यदि निद्रा १ घण्टापनि कम भएमा मुटुमा खतरा हुन्छ । यदि एक व्यक्ति निद्राको लागि तोकिएको समय भन्दा एक घण्टा कम सुत्छ भने, अर्को दिन हृदयघातको खतरा २४ प्रतिशतले बढ्छ । ओपन हार्ट जर्नलका अनुसार यो अध्ययन ४२,००० भन्दा बढी हृदयघात भएका व्यक्तिहरूमा गरिएको थियो ।
यदि तपाईं ४ घण्टा मात्र सुत्नुहुन्छ भने तपाईंमा छिट्टै बुढ्यौलीले छुन्छ । जामा जर्नलमा प्रकाशित एउटा अध्ययनका अनुसार एक स्वस्थ व्यक्तिले मात्र चार रात, ४ घण्टा सुतेमा १० वर्ष बढी उमेरकाे मान्छे जस्तो टेस्टोस्टेरोनको समान स्तर हुन्छ । त्यो हो, हर्मोनको आधारमा उनी १० वर्ष बढीको उमेरमा हुन्छन्, जसले बुढ्यौली बढ्दछ ।
स्लीप हेल्थ पत्रिकामा प्रकाशित अनुसन्धान अनुसार, यदि कसैले खोप लिनु अघि एक हप्ता पर्याप्त निन्द्रा प्राप्त गर्दैन भने, खोपपछि शरीरमा ५० प्रतिशत एन्टिबडीहरू मात्र तयार हुन्छन् । कोभिड खोपमा भने यसको प्रभावबारे अध्ययन भइरहेको छ ।
मानव निद्रा विज्ञान केन्द्रका अनुसार, प्रतिदिन सात घण्टाभन्दा कम सुत्नेमा अल्जाइमरकाे खतरा बढी हुन्छ ।
नेशनल लाइब्रेरी अफ मेडिसिनमा प्रकाशित अनुसन्धानका अनुसार, सामान्य रूघाखाेकी वा सर्दी अरूकाे तुलनामा तीन गुणा बढी हुन्छ । तर याे काेभिडकाे समयमा यसले कस्ताे हानी गर्छ, त्यसकाे अनुसन्धान भने भएकाे छैन ।
.jpeg)
प्रतिकृया दिनुहोस