“नेपालमा डाक्टर हुन भाटाले नफुट्ने टाउकाे, कुटाइले नदुख्ने जिउ, छतबाट हामफाल्दा नभाँचिने खुट्टा, र दिनदिनै तनाव सहँदा नडगमगाउने मनाेबल चाहिन्छ”
चिकित्सकमाथिको आक्रमण, हामी अविवेकी बन्दै गएकै हो ?
- गाउँ सहर डेस्क
- १४ जेठ शुक्रबार, २०७८ | १९:५१:०० मा प्रकाशित
काठमाडौँ । कोरोना कहरले विश्व अक्रान्त छ, नेपालपनि अछुतो छैन । यो विषम अवस्थामा चिकित्सक आफू मरेर अरुको सेवा गरिरहेका छन् । उपकरणको अभाव झेलिरहेकै बेलापनि सेवामा कुनै कमी ल्याएका छैनन् । चिकित्सकसँगै फ्रन्टालाइनर्सले कहरलाई थाम्न हरतरिकाले प्रयासरस रहेको बारेमा हामी जानकार नै छौँ । फेरिपनि हामी किन समय समयमा विवेक गुमाउँछौँ ? के चिकित्सकले कुनै विरामीको कुभलो चाहन्छ ? चाहँदैन । रैपनि हामी किन आफ्नै लिंडे ढिप्पीमा चल्छौँ र भेरी काण्डजस्ता बारम्बार दोहोर्याउँछौँ ?
देश तथा विदेशमा भेरी काण्डकाे घाेर विराेध र आक्रमण गर्नेलाई कडा कारवाहीकाे माग गरिएकाे छ । सामाजिक सञ्जाल आक्राेसले थामिनसक्नु छ । प्रशासनकाे फन्दामा जाे हात छाड्ने हाे परिसकेकाे छ । रैपनि कसैलाई चित्त बुझेकाे छैन । काउन्सिलिङ्गका विभिन्न माध्यम हुँदाहुँदै पनि आक्रमण गरिनु अत्यन्तै खेदजनक रहेकाे सबैकाे निश्कर्ष छ ।
तर याे एउटा यस्ताे ट्विट जसकाे सन्देश एकदमै विचारनीय छ । उनी डा. सन्दीप घिमिरे हुन् । उनले लेखेका छन्, "भर्खर एमबीबीएस सकेका र सक्न लागेका भाइबहिनीहरूलाई सल्लाह- नेपाल बस्छु भनेर साेच्ने गल्ती नगर, पछि पछुताे हुन्छ (मलाई जस्तै) । नेपालमा डाक्टर हुन भाटाले नफुट्ने टाउकाे, कुटाइले नदुख्ने जिउ, छतबाट हामफाल्दा नभाँचिने खुट्टा, र दिनदिनै तनाव सहँदा नडगमगाउने मनाेबल चाहिन्छ ।"
उनले लेखेकाे यत्ति हाे तर दिएकाे सन्देश एकदमै पीडादायी र विचारणीय छ ।
यसै सन्दर्भमा सुधाम्सु केसी लेख्छन्, "नर्स, डाक्टरलाई कठालाे समातेर पिटेकाे जस्तै नेता, सांसद, र मन्त्रीहरूकाे कठालाे समातेर पिट्ने गरेकाे भए आजसम्म सबै बयस्क नेपालीले खाेप लगाइसकेका हुन्थे हाेला !"
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस