खेल

त्रिकोणात्मक टी-ट्वान्टी अन्तर्राष्ट्रिय क्रिकेटमा मलेसियालाई आज पनि जित्याैँ है

काठमाडौ । त्रिकोणात्मक टी-ट्वान्टी अन्तर्राष्ट्रिय क्रिकेट सिरिज अन्तर्गत बिहीबार भएको खेलमा नेपालले मलेसियामाथि जित हासिल गरेकाे छ ।

कीर्तिपुर क्रिकेट मैदानमा भएको अन्तिम लिग खेलमा मलेसियालाई ६९ रनले पराजित गर्दै नेपाल शीर्ष स्थानमा रहदै फाइनल पुगेको हो ।

नेपालले दिएको २१८ रनको विशाल लक्ष्य पछ्याएको मलेसिया ५ बल बाँकी हुँदा अलआउट भयो । उसले जम्मा १४८ रन मात्रै बनाउन सक्यो ।

मलेसियाका लागि अमिनुद्दिन राम्लीले सर्वाधिक ४१ रन बनाए । यस्तै कप्तान अहमद फैजले ३१ रन बनाउँदा फित्री साम १४ र विकेट विपर विरेनदीप सिंहले १३ रन जोडे । बाँकी खेलाडीले खासै रन बनाउन सकेनन् । मलेसियालाई सस्तैमा रोक्न नेपालका लागि सोमपाल कामी, कमल सिंह ऐरी र सन्दीप लामिछानेले ३-३ विकेट लिए । सुशन भारीले १ विकेट हात लिए ।

यसअघि करन केसीले सानदार ब्याटिङको मद्दतमा नेपालले मलेसियालाई २ सय १८ रनको लक्ष्य दिएको छ। टस हारेर ब्याटिङको निम्तो पाएको नेपालले ७ विकेटको क्षतिमा २ सय १७ रन बनाएको थियो ।

सातौं नम्बर ब्याटिङ गरेका करनले मात्र १३ बलमा ७ छक्काको मद्दतमा ४५ रन बनाएपछि नेपालले २ सय १७ रन बनाउन सफल भएको थियो । डेब्यूसहित अघिल्ला ३ खेलमा लगातार अर्धशतक बनाएका कुशल भुर्तेल १६ रनमा आउट भएपछि कप्तान ज्ञानेन्द्र मल्लले अर्का ओपनर आसिफ शेखसँग दोस्रो विकेटका लागि ७३ रनको साझेदारी गरेका थिए ।

अनवर रहमानेले पहिलो बलमा ज्ञानेन्द्रलाई मोहम्मद वाफिकबाट क्याच आउट गराए भने पाँचौं बलमा आसिफलाई एलबिडब्यू आउट गराए । २५ बल खेलेका ज्ञानेन्द्रले ४ छक्का र १ चौका साथ ४१ रन बनाए । ३२ बल खेल्दै आसिफले ३ छक्का र त्यत्तिनै चौकामा ४२ रन जोडे । कुशलले १२ बलमा २ छक्का साथ १६ रन बनाएका थिए ।

उनी वाफिकको बलमा सैयद अजिजबाट क्याच भएका थिए । दीपेन्द्र सिंह ऐरीले ३३ रन बनाएका थिए । विनोद भण्डारी भने ८ रन मा आउट भए । कुशलले १९ रन जोडेका थिए । प्रतियोगिताका ४ मध्ये ३ खेल जित्दै ६ अंकसहित समूहको शीर्ष स्थानमा रहँदै नेपाल फाइनलमा पुगेको छ।

उपाधिका लागि नेपालले शनिबार नेदरल्याण्डसँग खेल्नेछ । नेदरल्याण्ड यसअघि नै फाइनल पुगिसकेको छ ।

गाउँ सहर संवाददाता

तपाईँको मत