तीन दलकाे बैठक : सत्ता समीकरणका लागि गठबन्धनबारे खुलेर गफ, निर्णय भएन
- गाउँ सहर संवाददाता
- २७ चैत शुक्रबार, २०७७ | १७:२२:०० मा प्रकाशित
काठमाडौं । नेपाली कांग्रेस सभापति शेरबहादुर देउवाले बोलाएको तीन दलको बैठक सकिएकाे छ ।
बैठकमा देउवाले आफ्नो पार्टीले कांग्रेसकै नेतृत्वमा सरकार बनाउने प्रस्ताव नेकपा (माओवादी केन्द्र) र जनता समाजवादी पार्टी (जसपा) समक्ष राखेका छन् ।
माओवादी केन्द्र त्यसमा सहमत भएपनि जसपाले यसबारे छलफल गर्न समय मागेकाले शुक्रबारको बैठकमा कुनै सहमति भएन ।
माओवादी केन्द्रका प्रवक्ता नारायणकाजी श्रेष्ठले आजको बैठकमा जसपाले पार्टीमा छलफल गर्न समय माग गरेको बताए ।
उनले भने,‘नयाँ सरकार गठनमा छलफल गरौं भनेर कांग्रेस सभापति शेरबहादुर देउवाले प्रस्ताव राख्नुभयो । जुन सरकार भए पनि चुनाव गराउने भएपनि केपी ओलीले सबै कब्जा गर्न खोजे । अब कांग्रेसको नेतृत्वमा सरकार बनाउँ भनेर सभापति देउवाले प्रस्ताव गर्नुभयो । जसपाका नेताहरूले केही समय चाहिन्छ भन्नुभएको छ,’ उनले भने, ‘पार्टीमा छलफल गरेको छैन भन्नुभएको छ। जसपाको बैठक गरी निर्णय गर्न समय माग गर्नुभएको छ । अर्को बैठक बस्ने गरी सहमतिपूर्वक बैठक टुंगिएको छ ।’
जनता समाजवादी पार्टीले कांग्रेसको प्रस्तावबारे पार्टीमा छलफल गरेर निर्णय गर्ने बताएपछि बैठकमा कुनै ठोस सहमति हुन सकेन ।
तीन दलीय बैठकमा कांग्रेसका तर्फबाट सभापति देउवासँगै उपसभापति विमलेन्द्र नीधि लगायतक नेताहरु सहभागी थिए । यसैगरी माओवादी केन्द्रका तर्फबाट अध्यक्ष दाहालसँगै प्रवक्ता नारायणकाजी श्रेष्ठ लगायत अन्य नेताहरु सहभागी थिए भने जसपाका तर्फबाट डाक्टर बाबराम भट्टराई, उपेन्द्र यादव, राजेन्द्र महतो लगायतका नेताहरु उपस्थित भएका थिए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- प्रधानमन्त्रीसँग सांसदहरूको सवाल-जवाफ (लाइभ)
- फेरिए ११ जिल्लाका सीडीओ, अध्यागमन विभागको महानिर्देशकमा निरौला
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
प्रतिकृया दिनुहोस