सिटिजन लाइफ इन्स्योरेन्सद्वारा पाँच लाखकाे मृत्यु बीमा दावी भुक्तानी
- गाउँ सहर संवाददाता
- २६ चैत बिहीबार, २०७७ | १२:१७:०० मा प्रकाशित
रामेछाप । सिटिजन लाइफ इन्स्योरेन्स सदरमुकाम मन्थली कार्यालयले मृतक परिवारको मृत्यु बीमा दावी भुक्तानी रकम हस्तान्तरण गरेको छ ।
शाखा कार्यालय मन्थलीले गत साता नवजागरण बचत तथा ऋण सहकारी संस्था मार्फत सिटिजन लाइफ इन्स्योरेन्समा ऋणको बीमा गरेकी मन्थली नगरपालिका वडा नं २ टेकानपुरकी स्वर्गीय सीता कार्कीको श्रीमान् गोपी कार्कीलाई ५ लाख १० हजार नगद रकम भुक्तानी गरेको हो ।
उनको संस्थाबाट ऋण लिएको केही समयपछि मृत्यु भएको थियो । सीताको मृत्यु पश्चात ऋण र काजक्रीया खर्च वापतको रकम नवजागरण बचत तथा ऋण सहकारी संस्थाका अध्यक्ष श्याम थापालाई हस्तान्तरण गरेको छ ।
सिटिजन लाइफ इन्स्योरेन्सले नवजागरण वचत तथा ऋण सहकारी संस्थासँग सम्झौता गरेर सहकारीका ऋणीहरुसँग बीमा गराउँदै आएको छ ।
संस्थासँग गरेको ऋणी सदस्यहरुको बीमा अनुसारको उक्त रकम सिटिजन लाइफ इन्स्योरेन्स रामेछापकी शाखा प्रमुख मञ्जु उप्रेतीले एक कार्यक्रमबीच नवजागरण वचत संस्थालाई चेक हस्तान्तरण गरेकी हुन् ।
सिटिजनले ल्याएको यो सेवा सर्वसाधारण नागरिकहरुको लागि एकदमै उपयाेग सेवा भएको संस्थाले जनाएको छ ।
केही वर्षअघि देखी सदरमुकाम मन्थलीमा कार्यालय विस्तार गरेर सर्वसाधारण नागरिकहरुलाई सेवा दिँदै आएको इन्स्याेरेन्सले मुलुकका १ सय २५ वटा स्थानमा शाखा विस्तार गरि सेवा प्रदान गर्दै आएको छ ।
स्मरण रहाेस् आइपिओ निष्कासनकाे तयारीमा रहेकाे सिटिजन लाइफ इन्स्याेरेन्स कम्पनीले १ सय २५ शाखामार्फत् बीमितहरूलाई सेवा प्रदान गर्दै आएकाे छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस