भगवान शिवको शिरमा माता गंगा र चन्द्रदेव किन ? पढ्नुहोस् पौराणिक कथा
- गाउँ सहर डेस्क
- २७ फाल्गुण बिहीबार, २०७७ | ०१:००:०० मा प्रकाशित
काठमाडौँ । हरेक महिना कृष्ण पक्ष चतुर्दशीको मासिकमा शिवरात्री मनाइन्छ । तर फाल्गुण महिनामा कृष्ण पक्ष चतुर्दशी तिथीमा महाशिवरात्री मनाइन्छ । आज बिहीबार महाशिवरात्री हो । आजको दिन विधि विद्यानले भगवान शिवजीको पूजाआजा गरिन्छ । भगवान भोलेनाथको कृपा पाउनको लागि भक्तहरु व्रत राख्ने गर्दछन्, जुन आजपनि निरन्तर छ । तर तपाईंले कहिल्यै कोड गर्नुभएको छ ? महादेवको शिरमा माता गंगा र चन्द्रदेवले किन स्थान दिए ? पौराणिक कथा यस्तो छ:
कथानुसार भागीरथ एक प्रतापी राजा थिए । उनले आफ्नो पूर्वजलाई जीवन-मरणको दोषबाट मुक्त गर्नको लागि गंगालाई पृथ्वीमा लैजाने निधो गरे । उनले कठोर तपस्या गरे । माता गंगाले उनको तपस्याबाट प्रसन्न भएर स्वर्गबाट पृथ्वी झर्न राजी भइन् । माता गंगाले भागीरससँग भनिन्- यदि उनी सिधै स्वर्गबाट पृथ्वीमा झरेमा उनको वेग सहन गर्न सक्दिनन् र सबैकुरा नष्ट हुनेछ ।
माता गंगाको कुरा सुनेर भागीरथ दोधारमा परे । माता गंगालाई यो अभिमान थियो कि उनको वेग कसैले सहन गर्न सक्दैन भनेर । तब भागीरथले भगवान भोलेनाथको उपासना सुरु गरे । संसारको दुःखलाई हराउने शिवजी प्रसन्न भए र भगीरथसँग वरदान माग्न भने । भागीरथले आफ्नो सबै मनोरथ उनीसँग भने ।
गंगा जब स्वर्गबाट पृथ्वीमा झर्न लागिन तब भगवान शिवले उनलाई जटामा कैद गरे । उनी छटपटाउन लागिन र शिवजीसँग माफी मागिन् । तब शिवजीले उनसलाई जटाबाट एक सानो पोखरीमा छाडिदिए, जहाँबाट गंगा सात धारामा प्रवाहित भइन् ।
यस्तै कथानुसार, भगवान शिवले यो सृष्टिको रक्षा गर्नको लागि समुन्द्र मन्थनबाट निस्किएको विष पिए । विषको प्रभावले जब भगवान शंकरको शरीर तात्यो तब चन्द्रमाले भोलेशंकरको शिरमा विराजमान भएर उनलाई शितलता प्रदान गर्ने प्रार्थना गरे । तर शिवजीले चन्द्रमाको आग्रह मानेनन् । तर जब भगवान शंकर विषको तिव्र प्रभाव सहन गर्न सकेनन् तब देवताले शिरमा चन्द्रमालाई धारण गर्न निवेदन गरे । तत्पश्चात विषको तिव्रता कम हुन थाल्यो । त्यो समयबाट चन्द्रमा शिवको शिरमा विराजमान छन् । चन्द्रमालाई शिवको मुकुट मानिन्छ ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस