टेस्ला इंकका सीईओ एलन मस्कले २७ अर्ब डलर गुमाए
- एजेन्सी
- २२ फाल्गुण शनिबार, २०७७ | १९:२०:०० मा प्रकाशित
सन फ्रान्सिस्को (अमेरिका) । अमेरिकी विद्युतीय सवारी साधन निर्माता कम्पनी टेस्ला इंकका प्रमुख कार्यकारी अधिकृत(सीईओ) एलन मस्कले २७ अर्ब डलर गुमाएका छन् ।
टेस्लाको शेयर मूल्यमा सेलअफ देखिएसँगै सोमवारयता मस्ककले सो स्तरमा नेटवर्क गुमाएका हुन् । यद्यपि, उनी अझै पनि ब्लुम्बर्ग बिलेनियर्स इन्डेक्समा भने १ खर्ब ५६ अर्ब ९० करोड डलर नेटवर्थसहित विश्वकै दोस्र धनी व्यक्तिका रुपमा छन् ।
उनको यो नेटवर्थ इन्डेक्सको शीर्ष स्थानमा रहेको अमेरिकी अनलाइन खुद्रा कम्पनी एमाजनका जेफ बेजोसको भन्दा चाँहि २० अर्ब डलर कम हो । गत हप्ता भने बेजोसलाई उछिनेर मस्क विश्वको सबैभन्दा धनी व्यक्ति बनेका थिए ।
मस्क जति छिटै शीर्ष स्थानमा पुगे त्योभन्दा छिटो त्यहाँबाट तल पनि झरे । सन् २०२० मा टेस्लाको शेयर ७४३ प्रतिशतले बढेको थियो । योसँगै उनको नेटवर्थ पनि बढ्यो टेस्लाले मस्कलाई दिएको अर्बौ डलर बराबरको बेच्न मिल्ने शेयर (स्टक अप्शन) का कारण पनि मस्कको नेटवर्थ चुलिएको थियो ।
नयाँ वर्ष शुरु हुँदै गर्दा उनको नेटवर्थ थप बढ्यो । जनवरीमा मस्कले बेजोसलाई उछिनेर पहिलो पटक विश्वको सबैभन्दा धनी व्यक्ति बने । जनवरीको अन्त्यतिर मस्कको नेटवर्थ बढेर २ खर्ब १० अर्ब डलरको कीर्तिमानी उचाईसम्म पुगेको ब्लुम्बर्ग बिलेनियर्स इन्डेक्सले देखाएको छ ।
एजेन्सी
सम्पूर्ण देशका मुख्य समाचार संस्थाहरू ।
- १ हजार करोड खर्च गरेर अनन्त अम्बानी चाँडै राधिका मर्चेन्टसँग विवाह गर्दै
- तीर्थयात्री बोकेको ट्र्याक्टर पोखरीमा खस्दा २२ जनाको मृत्यु
- विश्वव्यापी वृद्धिको पूर्वानुमानित लक्ष्य प्राप्ति गरेपनि अझै सम्भावित जोखिमप्रति सचेत हुन आवश्यक
- बंगलादेशमा संसदको ३०० निर्वाचन क्षेत्रमध्ये २९९ सिटका लागि आज मतदान
- गाजा पट्टीमा इजरायली हमलामा मृत्यु हुने प्यालेस्टाइनीको सङ्ख्या २२ हजार ६००
- स्वीडेनमा २५ वर्ष यताकै बढी चिसो
- जलवायु परिवर्तन : विकासोन्मुख मुलुकहरू सबैभन्दा बढी प्रभावित
- संयुक्त राष्ट्रसङ्घद्वारा इजरायल र हमासबीचको द्वन्द्वमा दुवै पक्षबाट युद्ध अपराध भइरहेकामा चिन्ता व्यक्त
- क्यानाडाले भारतबाट ४१ कूटनीतिज्ञ र उनीहरूको परिवारका ४२ सदस्यलाई फिर्ता बोलायाे
- इजरायल-हमास द्वन्द्वमा एक हजार दुई सयभन्दा बढी इजरायलीहरूको मृत्यु
प्रतिकृया दिनुहोस