राताम्मे भएकाे शेयर बजारमा इन्फ्रास्टक्चर बैंककाे प्रतिकित्तामा १३२ रुपैयाँको उतार चढाव
- गाउँ सहर संवाददाता
- ११ फाल्गुण मंगलबार, २०७७ | १५:२९:०० मा प्रकाशित
काठमाडौं । आज (मंगलबार) नेपाल स्टक एक्सचेञ्ज (नेप्से) मा उतार चढाव देखिएकाे छ ।
मंगलबार नेप्से परिसूचक २१.१६ अंक घटेर २५८६.५१ विन्दुमा झरेको छ । त्यसैगरी, यस दिन सेन्सेटिभ इण्डेक्स २.४१ अंक घटेर ४६७.९४ विन्दुमा झरेको छ । अघिल्लो कारोबार दिन अर्थात सोमबार ३२ अंक घटेर बन्द भएको थियाे ।
कारोबार सुरु भएदेखि नै घट्न थालेको बजारमा ८८ अंकसम्मको गिरावट आए अन्तिममा केही सम्हालिँदै २१ अंक घटेर बन्द भएको छ ।
यस दिन बजारमा २०५ कम्पनीको ८३ हजार ३५७ पटकको कारोबारमा ८ अर्ब ५६ करोड १५ लाख ३९ हजार रुपैयाँ बराबरको १ करोड ७७ लाख १४ हजार कित्ता शेयर खरिदबिक्री भएको छ ।
आज दोहोरो अंकले बजार घटेपनि चार कम्पनीको शेयरमूल्यमा भने उच्च बृद्धि देखिएको छ । यस दिन नेपाल फाइनान्स, अपी पावर र लिबर्टी इनर्जीको शेयर सकारात्मक सर्किट लेभलमा कारोबार भएको हो ।
कारोबार रकमका आधारमा शीर्ष स्थानमा रहेको नेपाल इन्फ्रास्ट्रक्चर बैंकको शेयर भने यस दिन नकारात्मक सर्किट लेभलमा कारोबार भएको छ । सो बैंकको शेयरमूल्य यस दिन ६६ रुपैयाँ घटेर ५९४ रुपैयाँमा अन्तिम कारोबार भएको छ । सो बैंकको यस दिन ७३ करोड ९४ लाख रुपैयाँ बराबरको शेयर खरिदबिक्री भएको छ ।
सुरुवाति समयमा १० प्रतिशतले वृद्धि हुँदै प्रतिकित्ता ७२६ रुपैयाँसम्म पुगेको बैंकको शेयरमूल्य कारोबार खुलेको ६६० रुपैयाँबाट पनि १० प्रतिशत घटेर ५९४ रुपैयाँमा झरेको हो । दिनभरमा बैंकको शेयरमा प्रतिकित्ता १३२ रुपैयाँको उतार चढावको अवस्था रह्यो ।
सकारात्मक सर्किट मूल्य ७२६ रुपैयाँमा ६ लाख ३५ हजार ३०० कित्ता शेयर खरीद बिक्री भएको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- सुस्ताएकाे शेयरबजारमा ३ अर्ब ६३ करोडकाे काराेबार
- प्रधानमन्त्रीसँग सांसदहरूको सवाल-जवाफ (लाइभ)
- फेरिए ११ जिल्लाका सीडीओ, अध्यागमन विभागको महानिर्देशकमा निरौला
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
प्रतिकृया दिनुहोस