झरना साहित्यिक परिवारलाई हेमराज स्मृति पुरस्कार
- गाउँ सहर संवाददाता
- ५ फाल्गुण बुधबार, २०७७ | २१:१७:०० मा प्रकाशित
पोखरा । हेमराज स्मृति पुरस्कार २०७७ झरना साहित्यिक परिवार मकवानपुरलाई प्रदान गरिने भएको छ । साहित्यकार/समाजसेवी हेमराज पहारीका योगदानलाई जनसमक्ष लैजान र नेपाली साहित्यको विकासमा टेवा पु-याउन गठन भएको हेमराज पहारी स्मृति प्रतिष्ठानले यो निर्णय गरेको हो ।
प्राज्ञ हरिदेवी कोइराला संयोजक र लक्ष्मी निरौला र रमा परासर सदस्य रहेको प्रतिभा छनोट समितिको सिफारिस बमोजिम झरना साहित्यिक परिवारलाई पुरस्कार प्रदान गर्न लागिएको हो । २०५० सालमा स्थापना भएको यो संस्थाले हरेक महिनाको चौथो शनिबार नियमित शृंखलासहित विभिन्न साहित्यिक गतिविधि गर्दै आएको छ ।
पुरस्कार राशि नगद १ लाख र ताम्रपत्र छ । साहित्यकार हेमराजको ११ औं स्मृति दिवस फागुन १७ गते हेटौँडामा स्मृतिसभा र पुरस्कार समर्पण समारोह आयोजना गरिने प्रतिष्ठानका अध्यक्ष रीता न्यौपानलेले जानकारी दिइन् ।
प्रत्येक २ वर्षमा प्रदान गरिने यो पुरस्कार यसअघि वरिष्ठ संस्कृतिकर्मी सत्यमोहन जोशी, दाङको राप्ती साहित्य परिषद, धरानको विमल गुरुङ स्मृति पुस्तकालय र लोककवि अली मियाँलाई प्रदान गरिएको थियो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस