स्वास्थ्य

कोरोना बीमाको पूनर्बीमा अन्तर्राष्ट्रिय  पूनर्बीमा कम्पनीमा

• गाउँ सहर डेस्क
• ५ फाल्गुण बुधबार, २०७७ | १५:२७:०० मा प्रकाशित

काठमाडौँ । नेपाल पूनर्बीमा कम्पनीले कोरोना बीमाको पूनर्बीमा अन्तर्राष्ट्रिय पूनर्बीमा कम्पनीसँग गरेको छ ।

कम्पनीले भदौ २८ पछि जारी भएका कोरोना बीमालेखको पूनर्बीमा विदेशी पूनर्बीमा कम्पनीमा गरेको नेपाल पूनर्बीमा कम्पनीका प्रमुख कार्यकारी अधिकृत शंकर रायमाझीले जानकारी दिएका छन् ।

बीमा समितिले कोरोना बीमाको मापदण्ड परिवर्तन गरेपछि जारी भएपछिका बीमालेखको पूनर्बीमा गर्ने सहमति गरिएको उनको बताएका छन् ।

बीमा समितिले कोरोना बीमालेख जारी गरेदेखि नै हामिले पूनर्बीमा कम्पनीको खोजि गरेका थियौँ सोही बमोजिम एक विदेशी पूनर्बीमा कम्पनीसँग सम्झौता भएको हो ।’ रायमाझिले भने। उक्त कम्पनीसँग कोरोना बीमाको केही प्रतिशत पूनर्बीमा गरेको उनको भनाई छ ।

लामो समयको अभ्यासपछि पूनर्बीमा कम्पनीले कोरोना बीमालेखको पूनर्बीमा गर्ने कम्पनीसँग सम्झौता भएको कम्पनीले जनाएको छ । 

नेपाल पूनर्बीमा कम्पनीले कोरोना बीमाको पूनर्बीमा गरिएको कम्पनीको नाम नखुलाउने सर्तमा सम्झौता भएको समेत जानकारी दिएको छ ।