लगानीकर्ता नेपाल इन्फ्रास्ट्रक्चर बैंककाे शेयर किन्न झुम्मिए, माग अत्याधिक, अहिले बिक्री गर्ने शून्य
- गाउँ सहर संवाददाता
- २ फाल्गुण आइतबार, २०७७ | १२:३१:०० मा प्रकाशित
काठमाडाैं । एक महिनाअघि आइपीओ निष्काशन गरेको नेपाल इन्फ्रास्ट्रक्चर बैंक लिमिटेड (NIFRA) को आजदेखि दोस्रो बजारमा शेयर कारोबार खुला भएको छ ।
आइतबारदेखि धितोपत्रको दोस्रो बजारमा कारोबारमा आएको बैंकको शेयरमा उच्च माग देखिएको छ । कारोबारको ५ मिनेटभित्रै कम्पनीके शेयरमूल्य प्रतिकित्ता ३४ रुपैयाँ बढेर ३७४ पुगेको हो । सर्किट मूल्यमा नै २ हजार ६४५ वटा अर्डर मार्फत ९ लाख ५२ हजार कित्ता शढी शेयरको माग नेप्सेको ट्रेड म्यानेजमेन्ट सिस्टमममा देख्न सकिन्छ । बैंकको शेयरको बिक्री अर्डर शुन्य रहेको छ ।
आइतबार स्पेशल प्रि-ओपन सेसनमा नेप्सेले तोकेको अधिकतम कारोबार रेञ्जमा (प्रतिकित्ता ३४० रुपैयाँ) कारोबार खुला भएको बैंकको शेयरमूल्यमा नियमित कारोबारको सुरुवाति समयमा नै सकारात्मक सर्किट लागेको हो ।
साँढे १२ बजेसम्म ४६ हजार ९३४ कित्ता काराेबार भएकाे छ । यस समयमा २२ लाख ४४ हजार कित्ता खरिदका लागि माग भएपनि बिक्रीका लागि भने कसैले राखेकाे देखिँदैन ।
नेपाल स्टक एक्सचेञ्जले इन्फ्रस्ट्रक्चर बैंकलाई डेभलपमेन्ट बैंकको उपसमूहमा सूचीकरण गरेको छ ।
बैंकले यहि माघ २ गते देखि माघ ६ गते मंगलबारसम्म आपीओ निष्काशन गरेको थियो । जसमा १० देखि ५० कित्तासम्म शेयर माग गर्ने आवेदकलाई माग अनुसार नै शेयर पाएका थिए भने ५० देखि धेरै शेयर माग गर्ने लगानीकर्ताहरुबाट ४ लाख ९२ हजार ७२ जनालाई गोलाप्रथाबाट थप १० कित्ता गरी ६० कित्ता शेयर प्राप्त गरेका थिए ।
बैंकले प्रतिकित्ता १०० रुपैयाँ अंकित दरमा ८ अर्ब रूपैयाँ बराबरको ८ करोड कित्ता साधारण शेयर (आइपिओ) निष्काशन तथा बिक्री खुल्ला गरेको हो । जसमध्ये १ लाख ६० हजार कित्ता कम्पनीका कर्मचारीलाई, र ४० लाख कित्ता म्युचुअल फण्डहरूलाई छुट्टाएर बाँकी ७ करोड ५८ लाख ४० हजार सर्वसाधारणको लागि बाँडफाँड गरिएको थियो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस