कास्कीको मादी गाउँपालिका केन्द्र विवादको निकास दिन गाउँसभा र सर्वदलीय बैठक बोलाउन लेखा समितिको माग
- गाउँ सहर संवाददाता
- २५ माघ आइतबार, २०७७ | १९:३५:०० मा प्रकाशित
पोखरा । कास्कीको मादी गाउँपालिकाको केन्द्र सार्ने निर्णय सम्बन्धमा तत्काल गाउँसभा र सर्वदलीय बैठक बोलाउनुपर्ने गाउँपालिका लेखा समितिले माग गरेको छ ।
लेखा समिति संयोजक सरोज केसीले आज आइतबार विज्ञप्ति जारी गर्दै केन्द्र सार्ने विवादबाट उत्पन्न असहज परिस्थितिले गाउँपालिका कार्यालय समेतमा तालाबन्दी गरिएकोले निकासका लागि सो माग गरेका हुन् ।
हाल याङ्जाकोटमा रहेको गाउँपालिकाको केन्द्र बेतनी सार्ने सम्बन्धमा गाउँपालिकाले प्रदेशमार्फत संघ सरकारसमक्ष सिफारिस गरिएपछि स्थानीय सोको विरुद्धमा तालाबन्दी गरेका हुन् । तालाबन्दीले ६ दिनदेखि दैनिक कामकाज ठप्प हुन पुगेका छन् ।
यसै सम्बन्धमा लेखा समिति संयोजक केसीले विज्ञप्तिमार्फत तत्काल निकास दिन तत्काल वार्ता र छलफलका लागि गाउँसभा र सर्वदलीय बैठक बोलाउन माग गरेका हुन् । गाउँपालिका केन्द्र निर्धारण विषय निर्वाचित भएको मितिले सुरुको ६ महिनाभित्र सामान्य बहुमत र त्यसपछिको निर्धारण दुइतिहाइको बहुमतले पारित हुने कुरा स्थानीय सरकार संचालन ऐन, २०७४ र संघीय कानुनले प्रष्ट पारेको छ । केसीले समस्या समाधानका लागि उनले सात ओटा सुझाव पनि दिएका छन् ।
राज्यको पुनर्संरचनाअन्तर्गत कास्कीका साविक पार्चे, नामार्जुङ, थुमाकोडाँडा, कालिका, सिल्दजुरे, मिजुरेडाँडा, भाचोक, सैमराङ, माझठाना, हंशपुर गाविस मिलेर मादी गाउँपालिका बनेको हो । गाउँपालिकाका हाल १२ वडा कायम छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस