कीर्तिपुर नगरपालिका र कृषि बिकास बैंकबीच बैंकिङ्ग कारोबार सम्झौता सम्पन्न
- गाउँ सहर डेस्क
- २१ माघ बुधबार, २०७७ | ११:४४:०० मा प्रकाशित
काठमाडौँ । कीर्तिपुर नगरपालिका र कृषि बिकास बैंकबीच बैंकिङ्ग कारोबार सम्बन्धी सम्झौता सम्पन्न भएको छ । किसान तथा विश्वविद्यालयको सहर भनेर चिनिने देशको पुरानो नगरपालिका कीर्तिपुर नगरपालिकाले आप्mना सम्पूर्ण बैंकिङ्ग कारोबारहरु कृषि विकास बैंक मार्फत गर्ने गरी मिति माघ १९ गते सम्झौता सम्पन्न गरेको छ । देशको पुरानो बैंक र राजनैतिक तथा प्रशासनिक महत्व राख्ने पुरानो नगरपालिकाबीच बैंकिङ्ग कारोबार गर्ने संझौताले नगरपालिकाको बैंकिङ्ग कारोबारमा सहजता हुन विश्वास राखिएको छ ।
कार्यक्रममा कीर्तिपुर नगरपालिकाका नगर प्रमुख रमेश महर्जन र कृषि बिकास बैंकका प्रमुख कार्यकारी अधिकृत अनिलकुमार उपाध्यायले सम्झौता गरेका छन् । पाँच बर्षे सम्झौता पत्र आदन प्रदान गदै नगर प्रमुख महर्जनले भने, सहकार्यले दुवै संस्थालाई एक ठाँउमा ल्याएको छ, यसको लाभ स्वभाविक रुपमा दुवैलाई मिल्छ ।
बैंकका प्रमुख कार्यकारी अधिकृत उपाध्यायले पुरानो तथा किसानको बाहुल्यता रहेको नगरपालिकासँग प्रत्यक्ष रुपमा जोडिन पाउँदा संस्था गौरवान्बित भएको बताए । नगरपालिकाको बैकिङ्ग सेवा प्रवाहमा गुणस्तरीयता प्रदान गर्दै नगरपालिकाका सेवा ग्राहीहरुलाई सहज रुपमा सेवा प्रदान गर्न यस सहकार्यले थप अवसर सृजना गरेको कुरा उपाध्यायले उल्लेख बताएका छन् ।
पाँच बर्षको लागि भएको सम्झौतामा बैंकले नगरपालिकाको सम्पुर्ण सरकारी कारोबार गर्नेछ भने नगरपालिकाका स्थायी कर्मचारीलाई बिना धितो १५ लाखसम्म तलबी खाता कर्जा तथा सापट उपलब्ध गराउने छ ।
देशका ७७ जिल्लामा नेटवर्क रहेको बैंक र किसान तथा विद्यार्थीहरुको सहर वीचको सम्वन्धले बैंकिङ्ग सेवालाई सहज वनाई वित्तीय सेवा व्यवस्थापनमा सहयोग पुग्ने देखिन्छ । बैंकले नगरपालिका क्षेत्रमा कारोबार गर्ने किसान, विद्यार्थी तथा उद्यमिका लागि सहुलियत दरमा कृषि, शैक्षिक तथा व्यावसायिक कर्जा प्रदान गर्ने जानकारी दिएको छ । उक्त सम्झौताले नगरपालिकाको एकिकृत बैंकिङ्ग कारोबारमा सहजता हुनेछ । सम्झौता अनुसार बैंकले नगरपालिका र नगरपालिकामा आवद्ध कर्मचारीलाई निःशुल्क विद्यूतिय भुक्तानीका सेवा उपलब्ध गराउने छ भने संस्थागत सामाजिक उत्तरदायित्वको निश्चित रकम नगरपालिका मार्फत खर्च गर्नेछ ।
सम्झौता समारोहमा नगरपालिकाको तर्फबाट नगर उप–प्रमुख एवं प्रवक्ता सरस्वती खडका, प्रमुख प्रशासकिय अधिकृत सिता परियार लगायत अन्य पदाधिकारीेको उपस्थिती रहेको थियो । त्यसैगरी, बैंकका तर्फबाट उप–महाप्रवन्धकहरु प्रताप सुवेदी, यज्ञ प्रकाश न्यौपाने, धु्रव चन्द्र गौतम, दिर्ध वहादुर अर्याल, वाग्मती प्रदेश प्रमुख सुन्दर प्रसाद खतिवडा, सम्वृद्धि कार्की, विनोद कोइराला लगायतका पदाधिकारीहरुको उपस्थिती रहेको थियो । नगरपालिकाका लेखा प्रमुख मित्र प्रसाद घिमिरेद्वारा संचालित कार्याक्रमको मुल उद्धेश्य बैंक र नगरपालीका विच एकिकृत बैंकिङ्ग कारोबार गर्नु रहेको थियो ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस