समाज

 घरमा आगलागी हुँदा एक जनाको मृत्यु

• गाउँ सहर डेस्क
• १९ माघ सोमबार, २०७७ | ११:२९:०० मा प्रकाशित

काठमाडौँ ।  घरमा आगलागी हुँदा एक जनाको मृत्यु भएको छ । झापाको कचनकबल गाउँपालिका १ घेराबारीस्थित एक घरमा आगलागी हुँदा घरभित्र सुतिरहेका एक जनाको जलेर मृत्यु भएको हो ।

मृत्यु हुनेमा घरधनि अन्दाजी ६० वर्षीय गोबर्धन राजबंशी रहेको जिल्ला प्रहरी कार्यालय झापाका प्रवक्ता प्रहरी नायब उपरिक्षक राकेश थापाले जनाएका छन् । 

प्रहरीका अनुसार राजवंशीको घरमा आज बिहान १ः२० बजे आगलागी भएको हो । आगलागीबाट ३ वटा घर पूर्ण रुपमा जलेर नस्ट भएको छ । आगलागीमा परी १ गाई, २ वटा बाछा र ३ वटा बाख्रा जलेर मरेका छन् । 

आगो प्रहरी, दमकल र स्थानीयबासीको सहयोगमा नियन्त्रणमा आएको प्रहरीले जनाएको छ । अहिलेसम्म आगलागीको कारण र क्षतिको विवरण नखुलेको प्रहरीले बताएको छ ।