समाज

मोटरसाइकल दुर्घटना हुँदा एक युवकको मृत्यु

• गाउँ सहर डेस्क
• १५ माघ बिहीबार, २०७७ | १३:४३:०० मा प्रकाशित

सप्तरी । सप्तरीमा मोटरसाइकल दुर्घटना हुँदा एकजना युवकको मृत्यु भएको छ ।बिहीबार बिहान कोसी ब्यारेजको नहरनजिक स ३ प ३०४७ नम्बरको तीन जना चढेको मोटरसाइकल दुर्घटना हुँदा चालक तिलाठी कोइलाडी गाउँपालिका ३ सखरपुराका ३० वर्षीय शिवकुमार मुखियाको मृत्यु भएको हो ।

मोटरसाइकल अनियन्त्रित भई दुर्घटना हुँदा घाइते भएका मुखियाको विराटनगरस्थित गोल्डेन अस्पतालमा उपचारको क्रममा मृत्यु भएको प्रहरीले जनाएको छ ।

मोटरसाइकल पछाडि बसेका २० वर्षीय रामकुमार मुखिया र २५ वर्षीय रामअवतार खंग भने घाइते भएका छन् । मृतकको शव पोस्टमार्टमको लागि कोसी अस्पतालमा राखिएको छ ।

यस सम्बन्धमा थप अनुसन्धान भइरहेको प्रहरीले बताएको छ ।