सिटिजन लाइफ इन्स्योरेन्सद्वारा एकसाथ दुईवटा बीमादावी बापतकाे रकम भुक्तानी
- गाउँ सहर संवाददाता
- १४ माघ बुधबार, २०७७ | १६:१९:०० मा प्रकाशित
काठमाडाैं । सिटिजन लाइफ इन्स्योरेन्सले एकसाथ दुईवटा बीमादावी बापतकाे रकम भुक्तानी गरेकाे छ ।
सिटिजनकाे धरान शाखाले हतुवागढी गाउँपालिका होम्ताङ निवासी बीमित भीमकुमारी राइकाे श्रीमान नेत्रकुमार राइ र पार्वती राइको छोरा चासुम हाङ राइलाई क्रमश: २ लाख ३४ हजार र २ लाख १६ हजार रकम बराबरकाे चेक हस्तान्तरण गरिएकाे धरान शाखा प्रमुख खगेन्द्र तोलांगले जानकारी दिए ।
बुधबार सिटिजन लाइफ इन्स्योरेन्स एरिया ब्राञ्च मेनेजर रामबहादुर खत्री, धरान शाखा प्रमुख खगेन्द्र तोलांग लगायत कम्पनीका एजेन्सी म्यानेजरहरुको उपस्थितिमा उक्त चेक हस्तान्तरण गरिएको हो ।
बीमा वापतकाे रकम हस्तान्तरण कार्यक्रममा एरिया ब्राञ्च मेनेजर रामबहादुर खत्रीले जीवन बीमाको महत्व र आवश्यकताको बिषयमा प्रष्ट पार्दै बीमाको सिद्धान्त तथा मर्मनुसार करार बमोजिम कम्पनीले दायित्व र जिम्मेवारी निर्वाह गर्ने बताए ।
धरान शाखा प्रमुख खगेन्द्र तोलांग बीमितहरूकाे कागजी प्रक्रिया पुग्नासाथ बीमा रकम सकेसम्म छिटाे उपलब्ध गराउने गरिएकाे बताए । पछिल्लाे समय थोरै रकम बचत गरेर परेको बेलामा जोखिम समेत बहन गर्न सक्ने हुँदा बिस्तारै ग्रामीण भेगमा पनि बीमा सम्बन्धि चेतना वृद्धि हुँदै गएकाे ताेलांगले बताए ।
उनले आगामी दिनमा कम्पनीले उपलब्ध गराउने सेवाहरुलाई अझै ग्राहक केन्द्रित रहेर भविष्यमा वित्तीय तथा सामाजिक लक्ष्य हासिल गर्दै उत्कृष्ट सेवा प्रदान गर्ने प्रतिबद्धता गरे ।
सिटिजन लाइफ इन्स्योरेन्सले सर्वसाधारणलाई फागुन २ गते वार्षिक साधारणसभापछि आइपिओ ल्याउने तयारी गरिरहेकाे छ ।
कम्पनीले १ सय रुपैयाँ अंकित दरमा ७५ करोड बराबरको ७५ लाख कित्ता शेयर सर्वसाधारणका लागि निष्काशन गर्ने जनाएकाे छ । हाल कम्पनीको अधिकृत पूँजी ३ अर्ब रुपैयाँ छ ।
कम्पनीमा संस्थापक शेयरधनीबाट १ अर्ब ७५ करोड चुक्ता भइसकेको र सर्वसाधारणका लागि छुट्टाइएको ७५ करोडको शेयर जारी गरेपछि कम्पनीको चुक्ता पूँजी २ अर्ब ५० करोड पुग्नेछ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस