नेपालमा कोरोना भाइरसविरुद्धको खोप अभियान शुभारम्भ (दश तस्बिरमा हेर्नुहोस्)
- गाउँ सहर संवाददाता
- १४ माघ बुधबार, २०७७ | १२:२१:०० मा प्रकाशित
काठमाडौं । नेपालमा कोरोना भाइरसविरुद्धको खोप अभियान शुभारम्भ भएकाे छ ।
पहिलाे पटक दुई चिकित्सकले कोरोनाको खोप लगाएर खाेप अभियान शुरू भएकाे छ । शुक्रराज ट्रपिकल तथा सरुवा रोग अस्पतालका दुई चिकित्सकले कोरोनाको खोप लगाए ।अस्पतालका निर्देशक डा. सागर राजभण्डारी र वरिष्ठ कन्सलट्यान्ट डा. अनुप बास्तोलाले कोरोनाविरुद्धको खोप (कोभिसिल्ड) लगाएका हुन् ।
प्रधानमन्त्री केपी शर्मा ओलीले टेकुस्थित शुक्रराज ट्रपिकल सरूवा रोग अस्पतालबाट कोरोना भाइरसविरुद्धको खोप अभियान शुभारम्भ गरेका हुन् ।
खोप अभियान शुभारम्भलाई भर्चुअल सम्बोधन गर्नुहुँदै प्रधानमन्त्री ओलीले कोरोना भाइरसविरुद्धको लडाईमा विगतमा अपनाइएका विधिहरु अझै कायम राख्न आग्रह गर्दै उनले अबको तीन महिनाभित्र सम्पूर्ण नेपालीलाई कोरोना भाइरसविरुद्धको खोप निशुल्क उपलव्ध गराउने प्रतिवद्धता व्यक्त गरे ।
प्रधानमन्त्री ओलीले भूगोल र सीमाभन्दा बाहिर गएर मानव जातीको बचाउका लागि खोज अध्ययन अनुसन्धान गरी कोरोना खोप आविष्कार र निर्माणमा खटिने वैज्ञानिक, उत्पादन गर्ने संस्था, लगानी गर्ने मुलुकहरुलाई धन्यवाद दिँदै उनले मानवजाती विरुद्धको महामारी रोक्न निर्माण गरिएको खोप नाफा कमाउने नभइ मानव जातीको जीवन बचाउनका लागि विश्वका सबै मानिसहरुको साझा हुनुपर्ने बताए ।
विश्वका विभिन्न मुलुकसँग पनि सरकारले कोरोना भाइरसविरुद्धको खोप खरिदका सम्बन्धमा कुराकानी अघि बढाएको जानकारी गराउँदै प्रधानमन्त्री ओलीले भारत सरकारसँग उचित मूल्यमा थप खोप खरिदका सम्बन्धमा पनि सरकारले छलफल गरिरहेको बताए ।
कार्यक्रममा स्वास्थ्य तथा जनसंख्या मन्त्री हृदेश त्रिपाठीले राष्ट्रपति विद्यादेवी भण्डारीले कोरोनाविरूद्ध खोप अभियानमा पठाएको शुभकामना सन्देश पढेर सुनाएका थिए ।
संसारमा सुरु भएको छोटो समयमा नेपालमा खोप आइपुगेको बताउँदै मन्त्री त्रिपाठीले खोप सुरु गरिएको दिन ऐतिहासिक भएको जनाए । सरकारले पहिलो चरणमा स्वास्थ्यकर्मी, खोप केन्द्रमा खटिनेहरू, शव व्यवस्थापनमा खटिएकाहरू, सरसफाइकर्मी, एम्बुलेन्स चालकलाई कोरोनाविरूद्ध खोप लगाइँदैछ ।
भारत सरकारले अनुदानमा दश लाख डोज कोभिसिल्ड खोप उपलव्ध गराएको थियो । स्वास्थ्य तथा जनसंख्या मन्त्रालयका अनुसार आज काठमाडौं उपत्यकाभित्र करिब १७ केन्द्र र देशभर गरी कूल ३०० सय भन्दा केन्द्रबाट कोरोनाविरूद्ध खोप लगाउन सुरू गरिएको छ ।
सरकारले प्रदेशहरूमा खोप र आवश्यक बजेट पनि पठाइसकिएको बताएको छ । आगामी दश दिनभित्र सबै जिल्लामा कोरोनाविरूद्ध खोप पु¥याइने र अग्रमोर्चामा खटिएकाहरूलाई पहिलो चरणमा खोप लगाउने मन्त्रालयको भनाइ छ । तस्बिर रासस
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- प्रधानमन्त्रीसँग सांसदहरूको सवाल-जवाफ (लाइभ)
- फेरिए ११ जिल्लाका सीडीओ, अध्यागमन विभागको महानिर्देशकमा निरौला
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
प्रतिकृया दिनुहोस