यातायात कार्यालयमा अख्तियारको छापा, दुई जना घुस सहित पक्राउ
- गाउँ सहर डेस्क
- १४ माघ बुधबार, २०७७ | १०:४२:०० मा प्रकाशित
जनकपुरधाम । यातायात कार्यालयमा अख्तियारले छापा मार्दा दुई जना पक्राउ परेका छन् । यातायात व्यवस्था कार्यालय जनकपुरधाममा चालक अनुमति पत्रको कारोवार शुरु भएपछि आर्थिक चलखेल बढेपछि अख्तियार दुरुपयोग अनुसन्धान आयोगको बर्दिवास कार्यालयले छापामारी गरेर रकम सहित दुई जनालाई पक्राउँ गरेको जनाएको छ ।
कार्यालय सकेपछि कर्मचारीहरु घुसको रकम मिलाउने बेलामा सूचनाको आधारमा गएराति १० बजेसम्म छापामारी गरेर एक जना कार्यालय सहयोगी र विचौलीया सहित दुई जनालाई नियन्त्रणमा लिएको छ । जिल्ला प्रशासन कार्यालय धनुषा सहयोगले छापामारी गरेको अख्तियारले जनाएको छ ।
अख्तियारको टोलिले कार्यालयमा लुकाएर राखिएको झण्डै पौने २ लाख २३ हजार ८ सय तथा विचौलीयावाट ५० हजार रकम सहित पक्राउँ गरेपनि एक जना भाग्नमा सफल भएको अख्तियार दरुपयोग अनुसन्धान आयोगको बर्दिवास कार्यालयले जनाएको हो ।
अख्तियारको टोलीले सहयोगी भोगेन्द्र कापर र विचौलिया राजकिशोर भगतलाई नियन्त्रणमा लिएकोे जनाएको छ । कार्यालय सहयोगकी कापरको कार्यालयमै रहेको कोठाको सोफा, खाट, दराज बाट २ लाख २३ हजार ८ सय रकम र दलाल भगतबाट ५० हजार घुस रकम बरामद गरेका थिए ।
विचौलिया भगतले आफु ट्याक्टरको लाइसेन्सको लागि कार्यालयका कम्प्युटर अपरेटर अनिल गिरीलाई ५० हजार घुससहित पास गरिदिने सेवाग्राहीको नामावली बोकेर पुगेको अख्तियारलाई बयानको क्रममा जनाएको छ । भगतले गिरीलाई उक्त रकम र नामावली दिन पुगेकै बेला अख्तियारको टोलिले भित्रैबाट घुस रकम सहित नियन्त्रणमा लिएको जनाएको छ ।
कार्यालयका कर्मचारी गिरी एकदशक भन्दा बढी समयदेखि यातायात कार्यालय जनकपुरमा घुस र कमिसनको आखाडा जमाएर बसेको गुनाशो आएपनि पहुच तथा रकमको बलमा सो कार्यालयमा वस्दै आएका छन् ।
फरार भएका गिरीले एकदशक यता यातायात कार्यालयमै घुस र भ्रष्टाचार गरी करोडौंको सम्पति आर्जन गरेको कार्यालयकै कर्मचारीहरुले गुनासो गर्दै आएका छन् ।
अख्तियारको टोलिले कार्यालय प्रमुख विरेन्द्र साहलाई नियन्त्रणमा लिएर खानतलासी गरेका थिए । घुसरकम, कागजात नियन्त्रणमा लिई थप अनुसन्धान गरिरहेको र घुस लिनेमा संलग्न कर्मचारीहरुको खोजिकार्य जारी रहेको अख्तियारले बताएको छ ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस