जबसम्म रिस र लालच रहन्छ तबसम्म हाम्रो मन शान्त हुन सक्दैन
- गाउँ सहर डेस्क
- १३ माघ मंगलबार, २०७७ | ०९:००:०० मा प्रकाशित
काठमाडौँ । रिस र लालच अर्थात लोभ यस्तो स्वभाव हो जसको अधिकपनाले न जीवन बन्छ न प्रगति नै प्राप्त हुन्छ । यसै सन्दर्भमा यो कथा मनन् गरौँ ।
एक राजासँग सबै सुख सुविधा र हरेक चिज थिए । धेरै सेवक हरेक पल राजाको सेवामा तयार रहन्थे । राजाको अगाडि खानपिनको लागि दैनिक धेरै प्रकारका पकवान हुन्थ्यो । यति सबै भएपछि पनि राजाको मन शान्त हुँदैनथ्यो । एउटा समस्या समाप्त हुनेबित्तिकै अर्को आइहाल्थ्यो ।
एकदिन राजा आफ्नो राज्यमा घुमिरहेका थिए उनले एकजना सन्तको सानो कुटि देखे । राजा सो कुटिमा पुगे, त्यहाँ सन्त ध्यानमा बसेका थिए । राजा उनको नजिक बसे । जब सन्त ध्यानबाट उठे तब उनले राजालाई देखे । राजाले सन्तलाई प्रणाम गरे र आफ्नो समस्या बताए । उनले सन्तसँग भने- कुनै यस्तो उपाय बताइदिनुहोस्, जसले मेरो सबै समस्या समाप्त होस् ।
सन्तले राजालाई मन शान्त पार्नको लागि ध्यान गर्न सूझाए ।
राजा केहि समय आँखा बन्द गरेर बसे, तर उनको दिमाग यताउताको कयौँ कुरामा अल्झियो । उनले ध्यान गर्न सकेनन् र आँखा खोले । राजाले भने- गुरुजी मेरो लागि ध्यान गर्न कठिन छ ।
सन्तले भने- केहि छैन हिँड्नुहोस केहि समय बागवानीमा घुमौँ । बागवानीमा केहि यस्ता विरुवा पनि थिए जसमा काँडा थिए । राजाले अनजानमा एक यस्तो विरुवा छोए जसले उनको हातबाट रगत निस्कन थाल्यो । सन्तले राजालाई लिएर तुरुन्तै कुटिमा लगे र हातमा लेप लगाइदिए ।
सन्तले भने- राजन तपाईंको हातमा साना काँडा पसे जसले रगत बग्न थाल्यो । योभन्दा ठूलो काँडा तपाईंको मनमा छन् । रिस, लालच, अर्कासँग जलनको भावना, यी सबै मनको लागि काँडाजस्तै हुन् । जबसम्म यी काडा निकालिँदैन तबसम्म तपाईंको मन शान्त हुन सक्दैन । यीनलाई छोड्नुभयो भने तपाईंको सबै समस्या समाधान भएर जान्छन् ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस