राष्ट्रिय अनुसन्धान विभागका कर्मचारीको हत्या
- गाउँ सहर डेस्क
- ४ माघ आइतबार, २०७७ | १३:५८:०० मा प्रकाशित
बाँके । बाँकेमा राष्ट्रिय अनुसन्धान विभागका कर्मचारीको हत्या भएको छ । राष्ट्रिय अनुसन्धान विभाग बाँकेमा कार्यरत सहायक सूचकको हत्या भएको हो ।
२७ वर्षीय प्रवीण थापाको हत्या भएको जिल्ला प्रहरी कार्यालय बाँकेका प्रहरी नायब उपरीक्षक (डिएसपी) सुवास खड्काले जानकारी दिएका छन् ।
गत शुक्रबार बिहान १० : १५ बजे नेपालगन्ज उपमहानगरपालिका १८ सूर्यगाउँमा स्थानीयले शव फेला पारेको थियो। मृतकको सुरूमा पहिचान खुलेको थिएन।
अनुसन्धानको क्रममा सोही ठाउँका विभागमा कार्यरत प्रवीण थापा भन्ने खुलेको डिएसपी खड्काले बताएका छन् ।
खड्काका अनुसार प्रवीणको शव उनको घरभन्दा साढे २ किलोमिटर परको खेतमा फेला परेको थियो।
थापाको टाउकोमा धारिलो हतियारको चोट छ। उनको पोष्टमार्टम गरी शव परिवारलाई बुझाइसकिइको छ ।
उनको टाउकोमा हतियारले हानेर हत्या गरिएको देखिन्छ। स्थानीयले खबर गरेपछि हाम्रो टोली खटियो,डिएसपी खड्काले भने, टाउकोमा लागेको चोटका कारण मृत्यु भएको रिपोर्टमा देखिएको छ।
उनी एक वर्षदेखि विभागमा कार्यरत थिए । शव फेला परेको अघिल्लो साँझ नै हत्या गरी छाडिएको देखिन्छ, खड्काले भने।
प्रहरीले घटनासम्बन्धी १०१२ जनासँग सोधपुछ गरे पनि कसैलाई पक्राउ नगरेको उनले बताए । हत्या हुनुको कारण खुल्न नसकेको डिएसपी खड्काले बताए।
यस सम्बन्धमा प्रहरीले थप अनुसन्धान गरिरहेको बताएको छ ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस