सडक/यातायात

चालक अनुमतीपत्रको लिखित र ट्रायल परीक्षा स्थगित

• गाउँ सहर डेस्क
• २७ पौष सोमबार, २०७७ | १३:५४:०० मा प्रकाशित

काठमाडौँ । चालक अनुमतीपत्रको लिखित र ट्रायल परीक्षा अनिश्चितकालका लागि स्थगित गरेको छ । यातायात व्यवस्था विभाग बागमती प्रदेश अन्तरगतको चाबहिल यातायात कार्यालयले अनिश्चितकालका लागि लाइसेन्सको लिखित र ट्रायल दुबै परीक्षा स्थगित गरेको हो ।

सोमबार एक सूचना जारी गरी कार्यालयले परीक्षा निगरानीका लागि ट्राफिक प्रहरी नखटाइएकाले सोमबारदेखि अनिश्चितकालका लागि चालक अनुमतीपत्रको लिखित र प्रयोगात्मक दुबै परीक्षा स्थगित गरिएको जनाएको छ ।

लाइसेन्सको लिखित र प्रयोगात्मक परीक्षाका लागि कार्यालयको संयोजकत्वमा महानगरीय ट्राफक प्रहरीको प्रतिनिधिमुलक भूमिका रहदै आएकोमा महानगरीय ट्राफिक प्रहरी महाशाखाबाट पुस २७ गते प्रतिनिधि ट्राफिक प्रहरी उपलब्ध नहुने व्यहोरापत्र प्राप्त भएकाले  अर्को सूचना प्रकाशित नहुँदासम्मको लागि कार्यालबाट संचालन गरिने लिखित तथा प्रयोगात्मक परीक्षा स्थगित गरिएको छ’ कार्यालयको जारी सूचनामा उल्लेख गरिएको छ  ।