खेल

दमौलीमा अन्डर १४ फुटबल फेस्टिबल शुरु

• गाउँ सहर संवाददाता
• २५ पौष शनिबार, २०७७ | २०:५६:०० मा प्रकाशित

दमौली ।  व्यास ३ देउरालीनगरमा अन्डर १४ फुटबल प्रतियोगिता शुरु भएको छ । स्थानीय रिभरसाईड युवा क्लबको आयोजनामा शुरु भएको  फुटबलको व्यास नगरपालिकाका नगरसभा सदस्य एवं एन्फा तनहुँका उपाध्यक्ष रबिन पौडेलले उद्घाटन गरे ।

‘लागु औषधमुक्त युवा समाज निर्माण’ नाराका साथ शुरु प्रतियोगिता देउरालीनगर खेल मैदानमा चल्नेछ । खेलको उद्घाटन गर्दै प्रमुख अतिथि पौडेलले मादी तटमा बीच फुटबलको विकास गरी खेलकुद र पर्यटन संगसंगै लैजान राष्ट्रिय खेलाडीहरुलाई अनुरोध गरे ।

रिभरसाईड युवा क्लवका प्रतियोगिता संयोजक एवं ए डिभिजन लिगका खेलाडी विश्व अधिकारीको सभापतित्वमा आयोजित उद्घाटन समारोहमा मनाङ्ग मर्स्याङ्गदी क्लबका खेलाडी बिमल राना, संकटा क्लवका दिपेश आले, अर्डर क्लब भण्डारढीकका प्रशिक्षक सुवास तामाङ, अलस्टारका प्रशिक्षक विकास श्रेष्ठ लगायतले फुटबलको विकासमा सवै एकसाथ लाग्नुपर्नेमा जोड दिएका थिए ।

राष्ट्रिय स्तरका क्लबमा आवद्ध खेलाडिहरुले विगत एक वर्ष देखि प्रशिक्षण गराईरहेका तनहुँ र कास्कीका १० क्लबको फेस्टिबलमा सहभागिता रहेको छ ।

प्रतियोगिताको उद्घाटन खेल न्यु स्टार र हाइस्कुलटारबीच भएकामा न्यू स्टार १ गोलले विजयी भएको छ ।