माइनस ८ डिग्रीकाे चिसाेमा हुम्लाकाे जनजीवनका दश तस्बिर
- गाउँ सहर संवाददाता
- २१ पौष मंगलबार, २०७७ | ०८:१५:०० मा प्रकाशित
हुम्ला । धेरैलाई हिउँ खेल्न मनपर्छ तर सधैँ हिउँकै छत्रछायाँमा बस्नुपर्नेका दिनचर्या भने कठीन हुने गर्दछ नै । कहिले काहीँ हिउँ पर्दा वा पर्यटकका लागि रमाइलाे हुनु स्वभाविकै हाे तर हिमाली क्षेत्रमा बसाेबास हुनेका लागि धेरै हिउँ पर्दा बेला बेला सास्ती खेप्नुपर्ने हुन्छ ।
हुम्लामा भारी हिमपात भएको छ । आइतबार दिउँसोबाट हुम्लामा हिमपात सुरु भएपछि तापक्रम माइनसमा झरेसँगै जाडो अत्यधिक बढेको छ ।
हिमपात हुँदा हुम्लालगायतका हिमाली जिल्लाहरुको जनजीवन कष्टकर बन्दै गएको छ । हिमपात भएपछि उडान अवरुद्ध हुँदा जहाज पनि विमानस्थलमै थन्किएका छन् ।
आइतबार हुम्लामा हिमपात भएपछि दुईवटा तारा एयरका जहाज सिमकोट विमानस्थलमै थन्किए । बस्तिहरुमा ४ फिटभन्दा बढी हिउँ जमेको छ भने अहिले सदरमुकाम सिमकोटमा १ फिट हिउँ जम्दा सिमकोटमा तापक्रम माइनस ८ डिग्रीमा झरेको छ ।
लामो समयदेखि वर्षा नहुँदा समस्यामा परेका कृषक भने हिमपातले हर्षित भएका छन् । अहिले जेठमा पाक्ने जौ, गहुँ र उवा छर्ने समय भएकाले हिमपात हुँदा जोत्नलाई सहज हुने भएपछि किसान खुशी भएका हुन् । लामो समय पानी नपरेकाले जमीन सुक्खा भएर जोत्न कठिन हुने देखिएका बेला हिमपातले त्यसलाई सहज बनाउने स्थानीयवासीहरुको भनाइ छ । हिमपातले गाईवस्तु, याक चौंरीलाई समस्या भएको त्यस क्षेत्रका स्थानीयले बताएका छन् ।
तस्बिर-जनकबहादुर शाही
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- रायमाझीसहित ७ जनालाई थुनामै, आङटावा शेर्पालाई ३० लाख धरौटीमा छोड्न सर्वोच्चको आदेश
- पूर्वमन्त्री मोहम्मद आफताब आलमलाई जिल्ला अदालत रौतहटद्वारा जन्मकैदको फैसला
- गर्मीले नेपालगञ्जको जनजीवन प्रभावित
- सहकारी समस्या समाधान गर्ने सरकारको निर्णय
- बाँकेका वनमा डढेलो
- शेयरबजार : २ अर्ब ३६ करोडको कारोबार हुँदा कसले कमाए, कसले गुमाए ?
- बाटो निर्माण गर्दा अनियमितता गर्ने सात जनाविरूद्ध भ्रष्टचार मुद्दा
- भालीदेखि कक्षा १२ काे परीक्षा, झण्डै पाँच लाख विद्यार्थी सहभागी हुँदै
- वेस्ट इन्डिज ए विरुद्ध खेल्ने १६ सदस्यीय टोली घोषणा
- १६ औँ योजनामा पूर्वाधार निर्माण र सूचना प्रविधि प्राथमिकता : प्रधानमन्त्री
प्रतिकृया दिनुहोस