खेल

विलियम्सनको मदतले न्यूजील्यान्ड सुदृढ स्थितिमा

• गाउँ सहर डेस्क
• २० पौष सोमबार, २०७७ | १४:४२:०० मा प्रकाशित

एजेन्सी । पाकिस्तान विरुद्ध केन विलियम्सनको शतकीय पालीको मद्दतले न्यूजील्यान्डले दोस्रो टेस्ट क्रिकेटको दोस्रो दिनको खेल सकिन लाग्दा ३ विकेट गुमाएर २८६ रन बनाएको छ ।

पाकिस्तान विरुद्ध विलियम्सन र हेनरी निकोल्सले २१५ रनको साझेदारी गरेका छन् । क्राइस्टचर्चको मैदानमा ७१ रन बनाउँदा ३ विकेट गुमाएता पनि न्यूजील्यान्डले त्यसपछि कुनै विकेट गुमाएन । क्रिजमा विलियम्सन ११२ र निकोल्स ८९ रन बनाएर खेलिरहेका छन् । भाग्यशाली रहेका विलियम्सनले तीन पटक जीवनदान पाएका थिए ।

न्यूजील्यान्डका लागि टम लथमले ३३, ब्लन्डेलले १६ र रस टेलरले १२ रन बनाएका थिए ।

पहिलो इनिङमा पाकिस्तानले २९७ रन बनाएको थियो । न्यूजील्यान्ड अझै ११ रनले पछि छ, तर उसका सात विकेट अझै बाँकी रहेका छन् ।

पहिलो टेस्टमा न्यूजील्यान्डसँग पाकिस्तान १०१ रनले पराजित भएको थियो ।