अर्थतन्त्र

सुनको मूल्यमा बृद्धि, सोमबार कतिमा हुँदैछ कारोबार ?

• गाउँ सहर डेस्क
• ६ पौष सोमबार, २०७७ | १२:२४:०० मा प्रकाशित

काठमाडौँ । स्थानीय बजारमा आज सुनको मूल्य प्रतितोला रु ९०० ले बढेको छ । छापावाला सुन आज प्रतितोला रु ९५ हजार २०० मा कारोवार भएको छ । छापावाला सुन आइतबार प्रतितोला रु ९४ हजार ३०० मा कारोवार भएको थियो ।

यस्तै तेजाबी सुन प्रतितोला रु ८५० ले वृद्धि भएको छ । तेजाबी सुन आजका लागि प्रतितोला रु ९४ हजार ७०० मा कारोवार भएको नेपाल सुनचाँदी व्यवसायी महासङ्घले जनाएको छ । आइतबार प्रतितोला रु ९३ हजार ८५० मा कारोवार भएको थियो ।

यस्तै चाँदीको मूल्य भने तोलामा रु ४० ले वृद्धि भएको छ । चाँदी प्रतितोला आज रु एक हजार ३२० मा कारोवार भएको छ । आइतबार चाँदी रु एक हजार २८० मा कारोवार भएको महासंघले जनाएको छ ।