नौ अर्बको कारोबारमा पनि १८४ कम्पनी राताम्मे
- गाउँ सहर डेस्क
- ५ पौष आइतबार, २०७७ | १६:३५:०० मा प्रकाशित
काठमाडौं । आज नेप्सेमा नौ अर्बको कारोबारमा पनि १८४ कम्पनी राताम्मे भएका छन् । प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले संसद् विघटन गर्दा त्यसको प्रभाव सेयर बजारमा पनि परेको छ । जसको प्रभावले दिनभर जस्तो उतारचढाव देखिएको सेयर बजारमा राष्ट्रपतिले संसद विघटन गर्ने निर्णय गरेसँगै लगातार ओरालो लाग्दा सेयरबजार परिसूचक नेप्सेमा करिब ९६.८८ अंकले गिरावट आएको छ ।
आइतबार बजार परिसूचक नेप्से ९६.८८ अंकले गिरावट हुँदा १९३५.६३ विन्दुमा झरेको छ । त्यसैगरी, यस दिन सेन्सेटिभ इण्डेक्स १६.३९ अंक, फ्लोट इण्डेक्स ५.८६ अंक र सेन्सेटिभ फ्लोट इण्डेक्स ४.३३ अंक घटेको छ ।
संसद् विघटनले गर्दा अन्योलमा देखिएका लगानीकर्ताले बिक्री चाप बढाउँदा नेप्सेमा पहिरो गए पनि बजारमा रहेको अधिक तरलताले गर्दा बजार बढ्ने विश्वासमा खरिदकर्ता पनि सक्रिय हुँदा साढे ९ अर्ब माथिको कारोबार भएको छ ।
आज नेप्सेमा ७९ हजार ९६७ कारोबारमा १९८ कम्पनीको १ करोड ४५ लाख ०९ हजार ५३३ सेयर किनबेच हुँदा ९ अर्ब ४ करोड ७९ लाख २८ हजार रुपैयाँ बराबरको कारोबार भएको छ । कारोबारमा आएका सबै समूहको उपसूचक रातो हुँदा अन्य समूहको सूचक ८.३९ प्रतिशतले घटेको छ ।
यस दिन ५ कम्पनीको शेयर नकारात्मक सर्किट लेभलमा कारोबार भएको छ। यस दिन अपर तामाकोशी, सूर्योदय लघुवित्त, नेरुडे लघुवित्त, स्वाबलम्बन लघुवित्त र चिलिमे हाइड्रोपावरको शेयर नकारात्मक सर्किट लेभलमा कारोबार भएको छ ।
जीवन बिमा निर्जीवन बिमा समूहको सूचक ५ प्रतिशत माथिले झरेको छ । बजारलाई लिड गर्ने बैंकिङ सूचक पनि झन्डै ३ प्रतिशतले झरेको छ । कारोबारमा आएका १९८ कम्पनीमध्ये ८ कम्पनीको मात्रै सेयर मूल्य वृद्धि हुँदा १६५ कम्पनीको सेयरमूल्य घटेको छ ।
नेपाल पुनर्बिमा कम्पनीसहित १३ कम्पनीको सेयर मूल्य ९ प्रतिशत माथिले घटेको छ भने नेप्सेमा सूचीकृत भएर आजबाट कारोबार खुलेको युनाइटेड इदी मार्दीको सेयर मूल्यमा सकारात्मक सर्किट लागेको छ ।
नेपाल लाइफ इन्स्योरेन्सको कारोबार रकम अर्ब नाघ्दा नेपाल पुनर्बिमा कम्पनीको करिब ८० करोडको कारोबार भएको छ । नेपाल लाइफ इन्स्यारेन्सको १ अर्ब ७ करोड १९ लाख १४ हजारको कारोबार भएको छ ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस