अर्थतन्त्र

हवाई भाडादर घट्यो,नयाँ भाडा कहाँ कति ?

• गाउँ सहर डेस्क
• २ पौष बिहीबार, २०७७ | ११:३१:०० मा प्रकाशित

सिमकोट । नेपाल एयरलाइन्सले हवाई भाडादर घटाएको छ । लामो समयको अन्तरालपछि अघिल्लो हप्तादेखि हुम्लामा उडान भर्दै आएको नेपाल एयरलाइन्सले हुम्लादेखि नेपालगञ्जसम्मको भाडादर घटाएको हो ।

यो भन्दा अगाडि हुम्लादेखि नेपालगञ्जसम्मको रु ६ हजार ५९५ भाडा लिँदै आएको नेपाल एरलाइन्सले घटाएर अहिले रु पाँच हजार ३०० कायम गरेको छ । नेपालगञ्जबाट उडान भर्दै आएका निजी एयरलाइन्सले नेपाल एयरलाइन्सभन्दा कम भाडा लिने भएका कारण केन्द्रीय कार्यालयमा हुम्लाको शाखाबाट भाडा घटाउन आग्रह गरेपछि बुधबारदेखि घटेको सिमकोट शाखाका प्रमुख बलबहादुर सुनारले जानकारी दिए ।

त्यसैगरी, नेपालगञ्जदेखि सिमकोटसम्म सात हजार ९०० भाडादर रहेको उनले जानकारी दिएका छन् । नेपाल एयरलाइन्सले हुम्लामा हप्ताको एक दिन सोमबार उडान भर्दै आइरहेको छ ।