खेल

नेपालले अमेरिका र ओमानसँग खेल्ने एकदिवसीय खेल तालिका सार्वजानिक

• गाउँ सहर डेस्क
• १ पौष बुधबार, २०७७ | १४:१७:०० मा प्रकाशित

काठमाडौं । नेपालले अमेरिका र ओमानसँग खेल्ने एकदिवसीय सिरिजको खेल तालिका सार्वजानिक भएको छ । नेपाली राष्ट्रिय क्रिकेट टोलीले अमेरिका र ओमानसँग एकदिवसीय सिरिज खेल्ने भएको छ ।  आईसीसी क्रिकेट विश्वकप लिग २ अन्तर्गत दोस्रो सिरिजमा नेपालले ओमान र अमेरिकासँग एकदिवसीय सिरिज खेल्ने पक्का भएको हो । नेपालले सन् २०२१ को मार्चमा ओमान र अमेरिकासँग खेल्ने एकदिवसीय सिरिजको खेल तालिकाका आईसीसीले सार्वजनिक गरिसकेको छ । कोरोनाका कारण स्थगित भएको लिग २ का सबै खेलहरुको तालिका आईसीसीले सार्वजनिक गरेको हो ।

कोरोना माहामारीको कारण स्थगित भएको क्रिकेट विश्वकप लिग २ पुनः सुचारू हुन हुने भएको छ ।  नयाँ तालिकाअनुसार नेपालले मार्च १९ देखी २८ सम्म ओमानमा ओमान र अमेरिकासँग एकदिवसीय सिरिज खेल्ने भएको छ  । 

खेलहरु सन् २०२१, २०२२ र २०२३ को सुरुवातमा समापन हुने गरि १४ सिरिजमा बिभाजन गरिएको छ । नेपालले सन् २०२१ जुलाईमा स्कटल्यान्डमा नामिबियासँग सिरिज खेल्ने भएको छ । त्यसपछि नेपालले सन् २०२२ को फेब्रुअरीमा पीएनजी र यूएईसँग खेल्ने छ । सन् २०२२ को जुलाईमा नेपाल अमेरिकासँग खेल्नेछ । त्यहाँ ओमान र नेपालको सिरिज हुनेछ । 

सन् २०२२ को सेप्टेम्बर २२ देखि अक्टोबर २ सम्म पीएनजीमा नेपालले खेल्ने पक्का छ ।  जहाँ यूएईसमेत सहभागी हुने भएको छ । नेपालले घरेलु मैदानमा सन् २०२३ मा नामिबिया र स्कटल्यान्डसँग खेल्ने भएको हो ।  डिभिजन लिग २ अन्तर्गत अन्तिम सिरिजमा नेपालले सन् २०२३ को फेब्रुअरीमा युएईमा, पीएनजी र युएईसँग खेल्नेछ ।