टिपर दुर्घटना हुँदा एक जनाको मृत्यु, दुई जना घाइते
- गाउँ सहर डेस्क
- १ पौष बुधबार, २०७७ | १२:४९:०० मा प्रकाशित
अछाम । अछाममा टिपर दुर्घटना हुँदा एक जनाको मृत्यु भएको छ भने दुई जना गम्भीर घाइते भएका छन् । कमलबजार नगरपालिका वडा नम्बर ५ कृतिखाममा गैरीटाँडबाट बिनायकतर्फ जाँदै गरेको पुष्पलाल (मध्यपहाडी) लोकमार्ग निर्माणमा रहेको राजेन्द्र निर्माण सेवाको से १ क ७५४ नम्बरको टिप्पर दुर्घटना भएको हो । देर्घटनामा परी टिपर चालक कैलारी गाउँपालिका वडा नम्बर २ का ३५ बर्षका प्रकाश चौधरीको घटनास्थलमै ज्यान गएको अछामका प्रहरी प्रमुख डिएसपी योगेन्द्रसिंह थापाले जानकारी दिएका छन् ।
दुर्घटनामा परशुराम नगरपालिका वडा नम्बर १२ डडेल्धुराका ३२ बर्षका डम्बर साउँद र पाटन नगरपालिका वडा नम्बर ६ बैतडीका ३० वर्षका योगेन्द्र कठायत गम्भीर घाइते भएका छन् । उनीहरूलाई प्रहरीले उद्धार गरी जिल्ला अस्पताल र वयालपाटा अस्पतालमा सामान्य उपचार पछि धनगढी रेफर गरिएको प्रहरीले जनाएको छ ।
मंगलबार राती भएको दुर्घटनामा टिपर सडकबाट करिब ५/६ सय मिटर तल खसेको थियो । उद्धारका लागि जिल्ला प्रहरी प्रमुख डिएसपी थापाको नेतृत्वमा मातहतमा रहेको प्रहरी चौकीबाट १४ जनाको प्रहरी टोली खटिएको थियो । मृतक चौधरीको शव पनि पोस्टमार्टमका लागि मंगलबार राति नै जिल्ला अस्पताल ल्याइएको छ ।
यस सम्बन्धमा थप अनुसन्धान भइरहेको प्रहरीले बताएको छ ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस