‘कसैको दुःख हटाउन चाहनुहुन्छ भने आफ्नो दुःख सहन गर्ने क्षमता राख्नुहोस्’
- गाउँ सहर डेस्क
- २३ मङ्सिर मंगलबार, २०७७ | ०९:२३:०० मा प्रकाशित
काठमाडौँ । हामी सबैलाई थाहै छ कि कुनै कुराको प्राप्ति संघर्ष नगरी हुँदैन । यसकारण झनै दुःखको सवालमा त हामीलाई धरै पापड बेल्नै पर्छ । दुःख कटाउन वा भगाउनको लागि ठूलो संघर्ष र त्यागको जरुरत पर्दछ । यो घटनालाई मनन् गरौँ ।
स्वामी विवेकानन्द र उनको गुरु माता शारदासँग जोडिएको घटना छ ।
विदेश यात्रा गर्नुभन्दा पहिले विवेकानन्दले माता शारदासँग अनुमति र अशिर्वाद लिन उनकोमा पुगे । उनले मातासँग भने- माता संसारको दुःखलाई दूर गर्न चाहन्छु । म लामो यात्रामा गइरहेको छु । मलाई आशिर्वाद दिनुहोस्, शिक्षा दिनुहोस् ताकि विश्व कल्याणको उद्धेश्यमा मेरो काम आउन सकोस् ।
माता शारदा सहज र अत्यन्तै विद्वान थिइन् । उनी त्यो समय भान्सामा खाना पकाइरहेकी थिइन् । उनले विवेकानन्दको कुरा सुनिन् र चक्कूतर्फ इशारा गर्दै भनिन्- मलाई यो चक्कू उठाएर देऊ ।
विवेकानन्दले भन्नेबित्तिकै चक्कू उठाएर दिए । माता शारदा बोलिन्- मेरो आशिर्वाद तिमीसँग छ । मैले यो बुझिसकेँ कि तिमी संसारको सेवा अवश्य गर्नेछौ ।
यो कुरा सुनेर विवेकानन्द हैरान थिए । उनले भने- माता केवल चक्कू उठाएर दिँदा तपाईंले कसरी जान्नुभयो कि संसारको सेवा गर्न पाउँछु भनेर ?
माता शारदाले भनिन्- तिमीले जुन ढंगले चक्कू उठाएर मलाई दियौ, त्यहिँबाट मैले बुझेँ ।
विवेकानन्दले चक्कूको धार भएको भागलाई आफूतिर पारेर माता शारदालाई चक्कू दिएका थिए ।
माता शारदाले भनिन्- तिम्रो प्रवृत्तिले यो देखाउँछ कि दुःख तिमी सहन गर्नेछौ र अर्काको सुरक्षा गर्नेछौ ।
जो व्यक्ति आफैँ कष्ट उठाएर अरुलाई सुख दिन्छ भने त्यो व्यक्ति मानवताको सेवा गर्न सक्छ भन्ने शिक्षा यो घटनाले दिन्छ ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस