कामाख्या मन्दिरको धार्मिक महत्व
- गाउँ सहर डेस्क
- २३ मङ्सिर मंगलबार, २०७७ | ०६:१५:०० मा प्रकाशित
कामाख्या मन्दिर असामको राजधानी दिसपुर नजिक गुवाहाटीबाट ८—१० किलोमीटरको दुरीमा रहेको छ । शक्तिकी देवी सतीको मन्दिर पहाडमा अवस्थित छ । यस मन्दिरको फरक तान्त्रिक महत्व रहेको छ । मन्दिरलाई प्राचीन कालदेखि वर्तमान समयसम्म तान्त्रिक स्थानको सर्वोच्च तीर्थस्थल मान्ने गरिन्छ । मन्दिरको पूर्वी गेटबाट असाम राज्यको राजधानी विजपरदेखि ६ किलोमिटर दुरीको स्थानमा निलशेल पर्वतमालामा अवस्थित माता भगवतीको मन्दिर रहेको छ । सोही स्थानमा माता भगवती कामाख्याको सिद्ध शक्तिपीठ सतीको योनि अर्थात महामुद्रा कुण्ड रहेको छ ।
५१ ओटा शक्तिपीठ मध्ये कामाख्या शक्तिपीठ धेरै प्रसिद्ध र चमत्कारीक मन्दिरको रुपमा परिचित छ । मन्दिरमा देवी दुर्गा र माता अम्बेको चित्र कसैले नदेख्ने गरी राखिएको छ । जसले गर्दा उक्त चित्र कसैले देख्न सक्दैन । मन्दिरमा एक कुण्ड अवस्थित रहेको छ जहाँ सधै फुलले ढान्ने गरिन्छ । उक्त कुण्डबाट सधै पानी निस्कने गर्दछ । चमत्कारीताले भरिएको उक्त मन्दिरमा सधै देवीको योनीको पूजा गरिन्छ । कुण्ड योनीको भाग देख्न सकिन्छ । योनीकै रुप भएकै कारण माता रजस्वला हुने गर्छिन् ।
पौराणीक कथा अनुसार त्यस ठाउँमा भगवान शिवको सतीप्रतिको ध्यान भंग पार्नका लागि भगवान विष्णुले चक्रको माध्यमबाट सतीको अंगलाई ५१ टुक्रामा विभाजित गरेका थिए । जुनजुन ठाउँमा सतीको अंग पतन भयो त्यस ठाउँमा एकएक ओटा शक्तिपीठ उत्पन्न भएका थिए । कामाख्या मन्दिरमा सतीको योनी खसेको थियो । जुन आज धेरै शक्तिशाली पीठ भनेर चिनिने गर्दछ ।
प्रत्येक वर्ष अम्बुबाचीमा लाग्ने मेलाको अवसरमा ब्रम्हपुत्रको पानी ३ दिनका लागि रातो हुने आउने गर्दछ । जुन पानी कामाख्या देवीलाई रजस्वला भएको कारण पानी रातो हुने गर्दछ । मन्दिरमा ३ दिनको समयसम्म कुनै धार्मिक कार्य हुँदैन । ३ दिनपछि मात्र दर्शन गर्नका लागि भत्तजनहरुको भीड लाग्ने गर्छ । मातालाई रजस्वला भएको ३ दिनसम्म सेतो कपडा मन्दिरको भित्र ओछ्याउने गरिन्छ । ३ दिनसम्म मन्दिरको ढोका बन्द हुने गर्दछ । ३ दिनपछि मन्दिरको ढोका खोलिन्छ । ओछ्याएको सेतो कपडा रजस्वलाकै कारण रातो र भिजेको हुन्छ । उक्त कपडालाई अम्बुबाचीको बस्त्रका रुपमा लिइन्छ । सोही कपडा दर्शन गर्न आउने भक्तजनहरुलाई प्रसादका रुपमा दिने गरिन्छ । उक्त कपडालाई प्रसादको रुपमा स्वीकार गरी राख्नाले सौभाग्य हुने धार्मिक मान्यता रहीआएको छ । यस मन्दिरको दर्शन गर्नाले मनोकामना पूरा हुने धार्मिक विश्वास रहेको छ । एजेन्सीको सहयोगमा
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस