कोरोना खोपको प्रतिश्पर्धा : मोडेर्नापनि ९४% प्रभावकारी रहेको दावी, नयाँ वर्षसँगै कोरोना नियन्त्रणमा आउने संकेत
- गाउँ सहर डेस्क
- २१ मङ्सिर आइतबार, २०७७ | १३:५४:०० मा प्रकाशित
काठमाडौँ । बेलायतले फाइजर र बायोएनटेकले बनाएको कोरोना भाइरसविरुद्धको खोप प्रयोग गर्न स्वीकृति दिएसँगै विश्वमा थोरै राहत थपिएको छ । यससँगै बेलायत कोरोनाविरुद्ध खोप प्रयोग गर्ने पहिलो देश बनेको छ । बेलायतले यसको प्रयोग केही दिनमै सुरु गर्नेछ ।
बेलायतको स्वास्थ्य नियामक संस्था मेडिसिन एन्ड हेल्थकेयर प्रोडक्ट्स रेगुलेटरी एजेन्सीले यो खोप सुरक्षित रहेको भन्दै प्रयोगको अनुमति दिएको हो । फाइजर र बायोएनटेकले करिब १० महिना अवधिमा खोप बनाएका हुन् । यो ९५ प्रतिशत प्रभावकारी भएको जनाइएको छ ।
यो खोप माइनस ७० डिग्री तापक्रममा मात्र भण्डारण गर्न सकिने कम्पनीले बताएको छ । त्यसलाई सुख्खा आइसमा विशेष बाकसमा राखेर मात्रै एक ठाउँबाट अन्यत्र लैजानुपर्ने हुन्छ । विज्ञहरूले भने खोप सुरु भएपछि पनि सतर्क रहनुपर्ने बताउँदै आएका छन् ।
यता अर्को अमेरिकी कम्पनी मोडेर्नाको भ्याक्सिनबाट शरीरमा शक्तिशाली एन्टिबडीज बनेको दावी गरिएको छ । जुन कमसेकम ३ महिनासम्म रहने उनीहरूले बताएका छन् ।
नेशनल इन्स्टिच्यूट फर एलर्जी एण्ड इन्फेक्शियस डिजीजका ३४ वयस्कमा यो खोप दिएर अनुसन्धान गरिएको कम्पनीले बताएको छ । साथै विज्ञले यो खोप कोरोनाबाट बचाउनको लागि ९४% प्रभावकारी रहेको बताएका छन् । फूड एण्ड ड्रग एडमिनिस्ट्रेशनको एप्रूभल अब मिल्न सक्ने पनि उनीहरुले बताएका छन् ।
विश्वमा झण्डै ७ करोड मानिसहरु कोरोनाभाइरसबाट प्रभावित भइरहेको यो विषम परिवेशमा यी दुई खोपले विश्वलाई आशा जगाइदिएको छ । नयाँ वर्षमा कोरोना खोपको घोषणा गरेका वैश्विक स्वास्थ्य संस्था र धनी देशहरुको कुरा साँचो हुने संकेत हाे याे !
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस