बस दुर्घटना हुँदा एक जनाको मृत्यु १७ घाइते
- गाउँ सहर डेस्क
- १५ मङ्सिर सोमबार, २०७७ | १४:०१:०० मा प्रकाशित
अछाम । आज बिहान अछाममा बस दुर्घटना भएको छ । बिहान ८ बजे चौरपाटी गाउँपालिका वडा नं ७ मार्कुमा बस दुर्घटना हुँदा एक जनाको मृत्यु भएको छ भने १७ जना घाइते भएका छन् । बस सडकबाट ५० मिटर तल खसेको थियो ।
सदरमुकाम मंगलसेनबाट धनगढी जाँदै गरेको सुदुरपश्चिम यातायात प्रां.लि.को ना ४ ख ९९७२ नम्बरको बस दुर्घटना हुँदा साँफेबगर नगरपालिका वडा नं. ३ का १९ बर्षीय निरज कुवँरको मृत्यु भएको जिल्ला प्रहरी कार्यालय अछामले जनाएको छ ।
घाइते हुनेमा अछामको चौरपाटी गाउँपालिका वडा नं ५ की ६५ वर्षीया पार्वती भण्डारी, ४० वर्षका प्रमानन्द भण्डारी, २३ वर्षीया मनदेवी भण्डारी, मेल्लेख गाउँपालिका वडा नं ७ नन्देगडाकी ३१ बर्षीया यज्ञश्वरी उपाध्याय, ९ वर्षका डण्ड प्रसाद उपाध्याय, भिमदत्त नगरपालिका १८ कञ्चनपुरकी २५ वर्षीया सोनिया चन्द, बान्निगढी जयगढ गाउँपालिका वडा नं ५ कालिकाका २४ बर्षका नरेश रावल रहेको छन् ।
त्यसैगरी, साँफेबगर नगरपालिका वडा नं ३ का १७ बर्षका सन्तोष भण्डारी, वडा नं ६ भाग्यश्वरका ६० बर्षका कृष्ण राज पण्डित र उनकी श्रीमती ५१ बर्षीया बसुन्धुरा पण्डित, भाग्यश्वरकै २७ बर्षका अजय रावल, साँफेबगर नगरपालिका वडा नं १३ बाब्लाका ३० बर्षका कृति सिँह कुँवर, साफेबगर नगरपालिका वडा नं १० घुघुरकोटकी २३ बर्षीय लक्ष्मी बोगटी, साँफेबगर नगरपालिका वडा नं ४ का ४१ बर्षका टंक भण्डारी रहेका छन् । घाइते मध्ये दुई जनाको अवस्था गम्भीर रहेको छ । घाइतेहरुको बयालबाटा अस्पतालमा उपचार भइरहेको अस्पतालले जनाएको छ ।
बसमा ३७ जना यात्रु सवार रहेका र अन्य सबैको प्राथमिक उपचारपछि घर फिर्ता भएको प्रहरीले जनाएको छ । बस तीब्र गतिमा रहेको र मोड काट्न नसक्दा दुर्घटना भएको प्रहरी अनुसन्धानले देखाएको छ । बस चालकलाई नियन्त्रणमा लिइसकेको प्रहरीले बताएको छ ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस