आक्रमणमा ४३ किसानको ज्यान गयो
- गाउँ सहर डेस्क
- १४ मङ्सिर आइतबार, २०७७ | १६:५७:०० मा प्रकाशित
माइदुगुरी । बोको हराम समूहले ४३ जना किसानको हत्या गरेको छ । नाइजेरियाको उत्तरपूर्वी माइदुगुरी शहरमा शनिबार विद्रोही समूह बोको हरामले आक्रमण गरी किसानको हत्या गरेको हो । धान खेतमा काम गरिरहेका किसानमाथि भएको बर्बर आक्रमणमा छ जना घाइते भएका छन् ।
बोको हराम विरुद्धको प्रतिकार समितिका एक सदस्यले कोशोबे गाउँमा बोको हरामका सशस्त्र लडाकूले खेतमा काम गरिरहेका किसानको घाँटी रेटेर हत्या गरेको एएफपीलाई जनाएको छ । नाइजेरियाका राष्ट्रपति मुहम्मदु बुहारीले उक्त घटनाको निन्दा एवं भत्र्सना गरेका छन् । उनले भने — यो अमानवीय हत्याबाट सिँगै मुलुक स्तब्ध भएको छ ।’
प्रतिकार समितिका सदस्य बाबाकुडा कोलोले आफूहरुले ४३ जनाको शब फेला पारेको र अरु ६ जना गम्भीर अवस्थामा भेटिएको बताए ।उक्त समूहले यस क्षेत्रमा बेलाबेला जघन्य आक्रमण गर्ने गरेको हुँदा यस पटकको आक्रमण पनि उनीहरुले नै गरेको दाबी गरेका छन् ।
मजदुरहरु उत्तरपश्चिम नाइजेरियाको सोकोतो राज्यका रहेका छन् । स्थानीयवासी इब्राहिम लिमानले कामको खोजीमा आएका ६० जनामध्ये ४३ जनाको हत्या भएको र ६ जना गम्भीर घाइते भएको जनाए ।
अन्य आठ जना बेपत्ता भएको हुँदा उनीहरुलाई बोको हरामका लडाकूले अपहरण गरेको आशंका गरिएको लिमानले बताए । अघिल्लो महिना पनि माइदुगुरी नजिकै सिँचाईको काम गर्ने बोको हरामका लडाकूहरुले २२ मजदुरको विभत्स हत्या गरेका थिए ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस