अर्थतन्त्र

एन आई सी एशिया बैंकले फोटो प्रतियोगिता गर्ने

एन आई सी एशिया बैंकले फोटो प्रतियोगिता गर्ने भएको छ । आफ्ना लाखौं ग्राहक तथा महानुभावहरूमाझ सबल एवं सहज बैंकिङ्गको सेवा दिदैँ आएको एन आई सी एशिया बैंकले देश तथा विदेशमा रहेका सम्पूर्ण नेपाली नागरिकहरूका लागि ‘PHOTO–पात्रो २०७८’ नामक फोटो प्रतियोगिता सार्वजनिक गरेको छ । ‘बैंक पनि साथी पनि, राम्रो पनि हाम्रो पनि’ भन्ने मुल नारालाई आत्मसात गर्दै बैंकले आफ्ना ग्राहक एवं अन्य महानुभावहरूसँग रहेको फोटो खिच्ने सीपलाई कदरस्वरूप २०७८ को क्यालेण्डरमा उनीहरुले कैद गरेका फोटोलाई स्थान दिनुका साथै उक्त फोटोलाई  उचित नगद पुरस्कारको व्यवस्था समेत गरेको छ ।

यस प्रतियोगितामा सहभागी हुन इच्छुक महानुभावहरूले Season, Hope & Positivity, Lifestyle र Friendship विधाहरूमा आफुले खिचेका एक वा एकभन्दा बढी फोटो पठाउन सक्नेछन्  भने ५० शब्द नबढाई आफ्नो फोटोको क्याप्सन लेखी https://www.nicasiabank.com/photo-patro लिंकमा अपलोड गर्नुपर्नेछ । प्रतियोगिताबाट प्राप्त उत्कृष्ट १२ फोटोहरू बैंकले आफ्नो नयाँ वर्ष २०७८ को क्यालेण्डरमा प्रकाशित गर्नेछ र उक्त फोटोहरूका लागि बैंकले प्रतिफोटो रू. १०,००० नगद रकम पुरस्कार प्रदान गर्ने भएको छ । 

यस प्रतियोगिताबाट उत्कृष्ट १२ मा सामेल हुन नसकेका अन्य आकर्षक फोटोहरूलाई बैंकले सम्मानस्वरूप आफ्नो सामाजिक सञ्जालका माध्यमहरू एवं विभिन्न प्रवर्द्धनात्मक प्रयोजनमा फोटो खिच्नेको नाम र क्याप्सनका साथ प्रकाशित गर्ने व्यवस्था गर्ने जनाएको छ । प्रतियोगितामा पठाउनुपर्ने फोटो कम्तीमा ५४०० *३६०० पिक्सल, साइज (इन्च) १८*१२, रिजोलुसन ३०० DPI र ल्याण्डस्केप हुनु पर्नेछ । साथै प्रतियोगिता सम्बन्धी विस्तृत जानकारी बैंकको वेबसाइट तथा सामाजिक सञ्जालहरू मार्फत प्राप्त गर्न सकिनेछ ।

गाउँ सहर डेस्क

तपाईँको मत