‘विरोधीलाई मौन रहेर पनि पराजित गर्न सकिन्छ’
- गाउँ सहर डेस्क
- ७ असोज बुधबार, २०७७ | २१:२५:०० मा प्रकाशित
काठमाडौँ । रिस यति खतरनाक छ जसको कारण कयौँ समस्याहरुको शिकार हुनुपर्दछ । रिसमा बोलिएको शब्दको कारण घरपरिवारसँगै समाजबाट पनि अपमानित हुनुपर्ने हुनसक्छ । यदि कोहि हाम्रो नराम्रो गर्छ भनेपनि शान्त रहनु पर्दछ । हाम्रो मौनताले विरोधीलाई पराजित गर्न सक्छौँ ।
यसैसँग रहेर एउटा लोककथा प्रचलित छ ।
प्राचिन कालमा एक सन्त जहिल्यै शान्त रहन्थे । कहिल्यैपनि कसैसँग रिस गर्दैनथे । अरुलाई पनि यहि सल्लाह दिन्थे । धेरै मानिसहरु उनको प्रवचन सुन्न त्यहाँ पुग्दथे । कहिलेकाहिँ मानिसहरु उनलाई झुटा र पाखण्डी भन्दथे । तर उनी केहि भन्दैनथे । सन्तको शान्त व्यवहारकै कारण उनले ख्याती कमाएका थिए ।
एक व्यक्तिले सन्तलाई रिस उठाउने बारे सोचे । उसले गाउँका मानिसहरुलाई भने कि उनी सन्तलाई झुट सावित गर्नेछन् । उनी सन्तको आश्रममा पुगे र सन्तलाई नराम्रो गाली दिए । केहि समयमा गाउँका मानिसहरु पनि त्यहाँ भेला भए ।
ती व्यक्तिले भन्न थाले- सन्त होइन चोर हुन् । दैनिक राती चोरी गर्ने र विहान साधु बन्ने नाटक गर्दछन् । म यीनि र यीनका परिवारलाई राम्ररी चिन्दछु । यीनका सबै परिवार चोर हुन् । ती व्यक्तिले पटक पटक सन्तलाई नराम्रो भनिरहेका थिए, तर सन्त चुपचाप उनको कुरा सुनिरहेका थिए ।
धेरैबेर बोेलेपछि ती व्यक्ति थाके । सन्तले उसलाई एक गिलास पानी दिए र भने, बोल्दा बोल्दा तिमी थाक्यौ, तिमीलाई प्यास लागेको होला, यो पानी पिउ ।
सन्तको त्यो व्यवहार देखेर ती व्यक्तिलाई लज्जाबोध भयो । तुरुन्तै सन्तसँग क्षमा माग्न थाले । सन्तले उनलाई भने- भाई तिमी जे बोलिरहेका थियौ, मैले त्यसमा ध्यानै दिइन । मैले ती कुरा ग्रहण नै गरिन जुन तिमी बोलिरहेका थियौ । सन्तको कुरा सुनेर ती व्यक्तिले बुझे कि सन्तले साँच्चै क्रोधलाई जिते । यीनि साँच्चै सन्त हुन् ।
शिक्षाः यो कथाको शिक्षा- यदि हामीले रिसलाई काबूमा राखेमा र अर्काको नराम्रो कुरामा ध्यान नदिएमा हामी साँच्चै क्रोधबाट बच्न सक्छौँ । मौन बसेर पनि विरोधीलाई चुप गराउन सकिन्छ ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस