मुखकाे कणबाट मात्र हाेइन, धूलाेबाट पनि फैलन सक्छ भाइरस
- गाउँ सहर डेस्क
- ४ भदौ बिहीबार, २०७७ | १८:१६:०० मा प्रकाशित
काठमाडाैँ । काेराेनाभाइरससँग जाेडिएर आश्चर्य लाग्ने कुरा सार्वजनिक भएकाे छ ।
भाइरसको संक्रमणलाई लिएर एक ठूलो खुलासा भएको छ । हावामा फैलने भाइरस धूलो, फाइवर या अन्य सूक्ष्म कणको माध्यमबाट पनि मानिसको शरीरमा प्रवेश गर्न सक्छ।
अहिलेसम्म यो विश्वास गरिएको थियो कि कोरोनाभाइरस केवल मुखबाट निस्कने कणबाट मात्र फैलन्छ भनेर । यहि कारण कोरोनाकालमा मानिसहरुलाई मास्क लगाउन अपिल गरिएको छ । यसले गर्दा एक व्यक्तिले खोक्दा वा हाच्छिउँ गर्दा अर्कोमा भाइरस प्रवेश नहोस् । तर धूलोको माध्यमबाट संक्रमण फैलने कुराले भने नयाँ चुनौति पैदा गर्न सक्छ ।
अमेरिकी यूनिभर्सिटीको अनुसन्धानबाट भयो खुलासा
धूलोबाट भाइरस फैलन खतरा रहेको अमेरिकाको क्यालिफोर्निया यूनिभर्सिटीमा हालै भएको अनुसन्धानमा जनाइएको छ । अनुसन्धान समूहको नेतृत्व गरिरहेका विलियम रिस्टेनपार्टका अनुसार— यो रिपोर्ट भायरोलोजिस्ट र महामारी विशेषज्ञको लागि आश्चर्यको कुरा हुन सक्छ । किनकी अहिले यहि तथ्यलाई देखेर काम भइरहेको छ कि भाइरस केवल मुखको ड्रपलेट्सबाटमात्र फैलन्छ ।
निर्जीव वस्तुबाट संक्रमण फैलने खतरा
अहिलेसम्म संक्रमणबाट बच्नको लागि उपयोग गरिएको टिश्यू या ढोकाको हेन्डलबाट सतर्क रहन सल्लाह दिइन्थ्यो । तर नयाँ अनुसन्धानबाट यो कुराको खुलासा भएको छ कि भाइरस यसमा मात्र सीमित छैन । कयौँ अन्य बाटोबाट पनि संक्रमणको खतरा हुनसक्छ । तर, सबै इन्फ्लूएन्जा भाइरसमा संक्रमण यसरी नै फैलियो, यो कुरा स्पष्ट भने छैन ।
यसरी गरिएको थियो अनुसन्धान
के एक निर्जीव पार्टिकलको माध्यमबाट भाइरस अर्काको शरीरमा प्रवेश गर्न सक्छ ? यो प्रश्नको जवाफको लागि शोधकर्ताले कागजमा भाइरसलाई राखे, कागजलाई सुक्नको लागि छाडियो । कागज सुकेपछि त्यसलाई साना साना पार्टिकल्समा परिवर्तन हुने मेशिनमा राखियो । मेशिनबाट ९०० किलोमिटर प्रतिघण्टाको रफ्तारले यी पार्टिकल्सलाई छाडियो । शोधकर्ताले यो पाए कि यदि श्वासको माध्यमबाट यो पार्टिकल्स कुनै जीवभित्र जान्छ । र उ संक्रमित हुन सक्छ । यो प्रयोग सुँगुरमा गरिएको थियो ।
एक महिना पहिले डब्लूएचओले पनि स्वीकारेको थियो हावाबाट पनि संक्रमण सर्न सक्ने कुरा
डब्लूएचओले हावामा कोरोनाभाइरसको संक्रमण फैलने कुरा अघिल्लो महिना मात्र स्वीकार गरेको थियो । सोभन्दा अघि उसले स्वीकार गरेको थिएन । ३२ देशका २३९ वैज्ञानिकले हावाको माध्यमबाट पनि कोरोना सर्ने दावी गरेका थिए । जब ती वैज्ञानिकले पत्र लेखेर डब्लूएचओलाई बुझाए तब संस्थाले स्वीकार गरेको थियो । एजेन्सीको सहयोगमा
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस