विश्व

‘ट्रम्प मेक अमेरिका ग्रेट अगेन’ नाराका साथ चुनाव जित्न चाहन्छन, जिनपिंग चीनको इमेज सुधार्ने कोशिशमा

• गाउँ सहर डेस्क
• ३२ जेठ आइतबार, २०७७ | १९:५२:०० मा प्रकाशित

अमेरिका राष्ट्रपति डोनाल्ड ट्रम्पको सामुन्ने अमेरिकामा बढिरहेको कोरोना केशलाई रोक्ने, अश्वेत जोर्ज फ्लोइडको पुलिस हिरासतमा मृत्यु भएपछि भड्केको प्रदर्शन साम्य पार्न र यो वर्ष हुने राष्ट्रपतिय चुनावको लागि रणनीति तय गर्ने चुनौति छन् । 

उता, वुहानबाट फैलिएको कोरोनाभाइरसको कारण राष्ट्रपति सी जिनपिंगको सामुन्ने देशको इमेज सुधार्ने चुनौति छ ।

ट्रम्प आफ्नो घरमा नै चुनौतिसँग जुधिरहेका छन्

ट्रम्पको लागि सन् २०२० को अहिलेसम्मकै ठूलो घटनाले घेरेको छ । यो वर्ष अमेरिकाले आइएसआइएसको सफाया गर्यो । सीरियामा रुसको दवाब रोक्यो । इरानलाई हटायो । तर ट्रम्प अहिले घरकै फर्स्ट पोलिसीमा चुकिरहेका छन् । कोरोना र जोर्ज फ्लोइड घटनाले ट्रम्पको लागि चुनाव जित्नु त्यति सजिलो छैन ।

ट्रम्प पहिले कोरोनालाई महामारी मान्न तयार थिएनन्

जनवरीमा ट्रम्पले कोरोना महामारी मान्न इन्कार गरेका थिए । कोभिड-१९ लाई सामान्य भाइरस बताएका थिए । त्योबेला उनी मास्क लगाउने कुरामा विरोध गर्दथे । किटनाशक औषधिबाट भ्याक्सिन बनाउने कुरा गर्दैथिए । यहि कारण देश तथा विदेशमा उनको मजाक उडाइएको थियो ।

त्यसपछि उनले रणनीति बदले

राष्ट्रपति ट्रम्पले आफ्नो रणनीतिमा अहिले परिवर्तन गरेका छन् । अमेरिकामा आक्रमक सोच राख्ने समुहको सहयोग राख्नको लागि ट्रम्प मागा अर्थात ‘मेक अमेरिका ग्रेट अगेन’ ले यो चुनावको नारा बनाएको छ । उसले अमेरिकालाई प्राप्त भएको प्रगतिको मुद्धा उठाइरहेको छ । उसले चाइना कार्ड खेलिरहेको छ । उनका अनुसार चीन उनीहरुलाई हराउनको लागि अनेक कारण रचिरहेको छ ।

ट्रम्पको पहिलो र्याली १९ जूनमा

ट्रम्प ओकलाहोमामा १९ जूनमा आफ्नो पहिलो र्याली गर्नेछन् । यो स्थान ट्रम्पको गढ मानिन्छ । ट्रम्पले जेसन मिलरलाई आफ्नो क्याम्पेनको चीफ एडभाइजर बनाएका छन् । मिलर डेमोक्रेटिक पार्टीका उम्मेद्वार जो बिडेन र उनका छोरा हन्टर बिडेनको चीनसँग सम्बन्ध रहेको कुरा गर्नेमा समावेश छन् ।

ट्रम्पको लागि अवस्था मुश्किल छ । सेप्टेम्बरसम्म कोरोना समाप्त हुने देखिँदैन । ३ नोभेम्बरबाट इलेक्शन प्रोसेस सुरु हुनेछ । उनको सामुन्ने खतरा यो छ कि उनका विरोधी धेरै बलियोसँग भोटिंग गर्न सक्छन् ।

संसारको नेता बन्ने दौडमा जिनपिंगको इच्छामा ब्रेक

६७ वर्षका जिनपिंग माओ जेडोंग तथा चाउ एन लाईपछिका सबैभन्दा तौलदार नेता मानिन्छन् । चीनकोे नीतिको पहिलो हिस्सा साम्राज्यवाद थियो । दोस्रो, मेनुफेक्चरिंग र तेस्रो, ग्लोबल मार्केटमा कब्जा गर्नु । यसको जिम्मेदारी अब जिनपिंगमा छ । कोरोनाले चीनको इमेज (प्रतिष्ठा) खराब भयो, तर जिनपिंग यो अवस्थालाई सुधार्न चाहन्छन् ।

संसारको लागि चीन राम्रो हुन खोज्दैछ

विभिन्न मुद्धामा अदृश्यसँग गढेको इमेजलाई ढाकछोप गर्दै उ संसारभर राम्रो हुन खोज्दैछ । अधिकांशत देशहरु चीनबाट निर्भर छन् । उसको व्यापार विश्व्यापी भएको छ ।

तर कोरोना रोक्न नसकेको भन्दै यूरोप उप्रति रिसाएको छ । जर्मनी र फ्रान्सपनि चीन विरोधी मोर्चामा अमेरिकाको साथमा उभिएका छन् ।

अमेरिकासँग उसको ट्रेड वार छ । यहिकारण पनि चीनले यो दुइवर्षमा ७० करोड डलरको व्यापार गुमाएको छ ।

जिनपिंगको नयाँ नीति कस्तो होला ?

सीरिया विवादमा चीनको कार्यलाई सामान्यीकरण गर्नमा सक्षम रह्यो । यसले संसारभर उसको तारिफ भयो । हुन सक्छ कि अब चीन भारतको साथ सीमा विवाद कम गर्छ अनि पाकिस्तानको आतंकवाद मुद्धामा यूएनमा समर्थन गर्न रोक्नेछ ।

यूरोप र भारतका बजारमा भएको नोक्सानी पुर्ताल गर्न चीन अब अफ्रीकी देशमा केन्द्रित हुन सक्छ । जोन हप्किन्स स्कूल अफ इन्टरनेशनल स्टडीजका अनुसार, बितेका ५ वर्षमा चीनले अफ्रीकी देशसँग व्यापार १२० अर्ब डलरबाट बढाएर १८५ अर्ब डलर पुर्याएको छ । _{एजेन्सीको सहयोगमा}