काेराेना महामारीबाट अब टरिएला त ! माेडेर्ना भ्याक्सिन परीक्षणकाे अन्तिम चरणमा
[खोपको डोज लिन ३० हजार मानिस सहभागी हुने]
- गाउँ सहर डेस्क
- ३० जेठ शुक्रबार, २०७७ | १५:००:०० मा प्रकाशित
वाशिंगटन । औषधि उत्पादक कम्पनी मोडेर्नाले बुहुप्रतिक्षित कोरोना भाइरसविरुद्धको खोपको विस्तारित वृहत परीक्षण आउँदो जुलाईदेखि सुरु गर्ने तयारी गरेकाे छ ।
कोरोना भाइरसविरुद्धको खोपमा काम गरिरहेको अमेरिकी कम्पनी मोडेर्नाले उसले बनाएको खोपको दुई चरणको परीक्षणमा सकारात्मक नतिजा आएको छ ।
सम्भावित खोप सुरक्षति र प्रभावकारी देखिएका छन् । सो खोपको वृहत परीक्षण अर्थात अन्तिम चरणको परीक्षण आउँदो जुलाईदेखि सुरु गर्ने तयारी रहेको मोडेर्नाले बिहीबार बताएको हो ।
तेस्रो चरणको परीक्षणमा स्वतन्त्र रुपमा खोपको डोज लिन तयार भएका ३० हजार मानिस सहभागी हुने उसले बताएकाे छ ।
मासाचुसेट्सको क्याम्ब्रिजमा रहेको बायोटेक कम्पनी मोडेर्नाले यो चरणको अध्ययनको प्राथमिक उद्देश्य कोरोना भाइरसका कारण लाग्ने लक्षण युक्त कोभिड १९ बाट जोगाउने रहेको जनाएको छ । यस्तै गम्भीर रोग लाग्नबाट जोगाउने र मानिसलाई अस्पताल जान पर्ने अवस्था नआउने बनाउनु अर्को उद्देश्य रहेको मोडेर्नाले जनाएको छ ।
अन्तिम चरणको परीक्षणका लागि १०० ग्राम डोजको खोप बनाइएको कम्पनीले जनाएको छ । यो डोजले व्यक्तिको प्रतिरोधात्मक क्षमता बढाउने र गम्भीर साइड इफेक्ट्स नहुने पनि जनाइएको छ ।
मोडेर्नाले प्रति वर्ष खोपको ५० करोड जोड आपूर्ति गर्ने र सम्भव भएसम्म सन् २०२१ को सुरुसम्ममा प्रति वर्ष एक अर्ब जोड उत्पादन गर्न सक्ने गरी काम भइरहेको उल्लेख गरेको छ । स्वीडिस औषधि उत्पादक लोन्जासँगको सहकार्यमा मोडेर्नाले कोरोना भाइरसविरुद्धको खोपमा काम गरिरहेको हो ।
तेस्रो चरणको परीक्षणका लागि चाहिने सबै खोप उत्पादन भइरहेको कम्पनीले जनाएकाे छ । एजेन्सीकाे सहयाेगमा
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस