अमेरिकाको पहिलो कोरोना विरुद्धको भ्याक्सिन ‘एमआरएनए-१२७३’ को मानव परीक्षण सफल, कोभिड-१९ लाई रोक्ने
- गाउँ सहर डेस्क
- ६ जेठ मंगलबार, २०७७ | ०५:१४:०० मा प्रकाशित
काठमाडौँ । कोरोनाभाइरस महामारी रोक्नको लागि संघर्षरत भ्याक्सिनको पहिलो चरणमा खुसीको खबर अमेरिकाबाट आएको छ । त्यहाँको पहिलो कोरोना भ्याक्सिन र मानव परीक्षणको सकारात्मक नतिजा प्राप्त भएको छ ।
यो भ्याक्सिन बनाउने बोस्टनस्थित बायोटेक कम्पनी मोर्डनाले सोमबार साँझ यो कुराको जानकारी दिँदै सहभागीमा उनीहरुको एमआरएनए भ्याक्सिनको परीक्षण भएको र उनीहरुको शरीरमा साइड इफेक्ट नदेखिएको र आशालाग्दो प्रतिरोधात्मक क्षमता बढेको बतायो ।
यो खबरले वाल स्ट्रीटमा हौसला भर्ने काम गर्यो र एस एण्ड पी ५०० यूएस बेंचमार्क इक्विटी इन्डेक्स दिउसाेको कारोबारमा ३ प्रतिशत माथि चढ्यो । साथै मोडर्नाको शेयरले करिब ३० प्रतिशतको छलाङ्ग लगायो र शेयरको दाम ८७ डलरसम्म माथि उक्लियो ।
कम्पनी मोर्डनाका अनुसार एमआरएनए—१२७३ नामको यो भ्याक्सिन जसलाई दिइएको थियो, उसको शरीरमा केवल मामूली दुष्प्रभाव देखियो र भ्याक्सिनको प्रभाव सुरक्षित र सहनीय पाइयो ।
मोर्डनाले भ्याक्सिन लिने व्यक्तिको प्रतिरोधात्मक क्षमता भाइरससँग लड्नमा कोभिड-१९ बाट निको भइसकोका विरामी बराबर या उभन्दा बढी बलियो पाइयो । मोर्डनाका सिइयो स्टीफन बैंसलभ योभन्दा राम्रो तथ्याँक आशा गर्न सक्दैनौँ भने ।
मोर्डना पहिलो अमेरिकी कम्पनी हो जसले कोरोना भ्याक्सिनमा काम गरेको थियो । यो परीक्षण उसले ४२ दिनमा सम्पन्न गरेको छ । सबैभन्दा पहिले मानव परीक्षण उसले जनवरीमा गरेको थियो । १६ मार्चमा सिएटलमा काइजर परमानेंट रिसर्च फेसिलिटीमा सबैभन्दा पहिले यो भ्याक्सिन दुइ बच्चाको आमा ४३ वर्षिया जेनिफर नामको महिलालाई लगाइएको थियो । पहिलो परीक्षणमा १८ देखि ५५ वर्षका ४५ सहभागी समावेश थिए ।
मोर्डनाका मुख्य चिक्त्सिा अधिकारी टाल जकसले भने— नतिजाबाट यो कुरा पत्ता लागेको छ कि भ्याक्सिनको थोरै मात्र दिँदा पनि संक्रमणसँग लड्नको लागि प्रतिरोधात्मक क्षमताले राम्रो प्रतिक्रिया दिएको छ । यो नतिजा र मुसामा गरिएको अध्ययनबाट प्राप्त तथ्यांकलाई आधार मानेर अब पछिको परीक्षण कम डोज दिएर गर्ने योजना छ ।
उनले भने— परीक्षणको शुरुवाती चरणमा यस्तो साइडइफेक्ट थिए जुन अन्य भ्याक्सिनले गर्दछ । जस्तोः चिसोपना अनुभव गर्ने । यो आंकडाले हाम्रो विश्वासलाई पुष्टि गरेको छ कि एमआरएनए—१२७३ मा कोभिड-१९ लाई रोक्ने क्षमता छ ।
भ्याक्सिनकै कारण कम्पनी मोर्डनाको शेयरमा भारी परिवर्तन देखिएको छ । उसको फेब्रुअरीपछि तीनगुणा बढि मूल्य बढेकाे छ । बजार उत्तिकै तातेको छ । एजेन्सीको सहयोगमा
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस