काेराेनाकाे केन्द्र चीनमा कोरोनाकाे सक्रिय केश अब २ सय ६० मात्र
- एजेन्सी
- २६ बैशाख शुक्रबार, २०७७ | १५:२८:०० मा प्रकाशित
चीन। कोरोनाभाइरस (कोभिड–१९) को उदगमस्थल चीनमा अब यो रोगबाट निको हुन बाँकी सक्रिय बिरामी संख्या दुई सय ६० मात्रै बाँकी रहेको बताइएको छ ।
शुक्रबार चीनको नेशनल हेल्थ कमिसनले दिएको जानकारी अनुसार, पछिल्लो २४ घण्टामा कोरोनाभाइरसका केवल एक जनामात्र नयाँ संक्रमित भेटिएका छन् । यससँगै चीनमा कोरोनाभाइरसका समग्र संक्रमितको संख्या ८२ हजार ८ सय ८६ पुगेको छ । तर, यसमध्ये ७७ हजार नौ सय ९३ जना निको भएर घर फर्किसकेका छन् ।
अहिलेसम्म चारहजार ६ सय ३३ जनाको कोरोनाभाइरसको कारण मृत्यु भइसकेको छ ।
सुरुवातमा कोरोनाभाइरसबाट सबैभन्दा बढी प्रभावित बनेको चीन पछिल्लो समयमा भने कोरोना भाइरस नियन्त्रणमा सफल देखिएको छ । गत मार्च १ मा चीनमा कोरोनाभाइरसका संक्रमितको संख्या ८० हजार पुगेको थियो । त्यसयता दुई महिनाभन्दा लामो समयमा दुई हजार पाँच सयको हाराहारीमा मात्र कोरोनाभाइरसका संक्रमित थपिएका छन् । यो अवधिमा औसतमा दैनिक ४१ जनाको हाराहारीमा नयाँ संक्रमित थपिएका छन् । अहिले भने नयाँ संक्रमित थपिने संख्या एक अंकमा झरिसकेको छ ।
मार्च १ मा चीनमा निको हुन बाँकी संक्रमितको संख्या ३२ हजार ६ सय १६ थियो । अहिले निको हुन बाँकी दुई सय ६० जनामा पनि केवल १८ जना मानिसमा गम्भीर लक्षण देखिएको छ ।
कोरोनाभाइरस नियन्त्रणमा आउन थालेपछि विस्तारै लकडाउन खुकुलो पारिएको छ । लकडाउन खुकुलो भएपछि जनजीवन सामान्य अवस्थामा फर्किन थालेको छ ।
एजेन्सी
सम्पूर्ण देशका मुख्य समाचार संस्थाहरू ।
- १ हजार करोड खर्च गरेर अनन्त अम्बानी चाँडै राधिका मर्चेन्टसँग विवाह गर्दै
- तीर्थयात्री बोकेको ट्र्याक्टर पोखरीमा खस्दा २२ जनाको मृत्यु
- विश्वव्यापी वृद्धिको पूर्वानुमानित लक्ष्य प्राप्ति गरेपनि अझै सम्भावित जोखिमप्रति सचेत हुन आवश्यक
- बंगलादेशमा संसदको ३०० निर्वाचन क्षेत्रमध्ये २९९ सिटका लागि आज मतदान
- गाजा पट्टीमा इजरायली हमलामा मृत्यु हुने प्यालेस्टाइनीको सङ्ख्या २२ हजार ६००
- स्वीडेनमा २५ वर्ष यताकै बढी चिसो
- जलवायु परिवर्तन : विकासोन्मुख मुलुकहरू सबैभन्दा बढी प्रभावित
- संयुक्त राष्ट्रसङ्घद्वारा इजरायल र हमासबीचको द्वन्द्वमा दुवै पक्षबाट युद्ध अपराध भइरहेकामा चिन्ता व्यक्त
- क्यानाडाले भारतबाट ४१ कूटनीतिज्ञ र उनीहरूको परिवारका ४२ सदस्यलाई फिर्ता बोलायाे
- इजरायल-हमास द्वन्द्वमा एक हजार दुई सयभन्दा बढी इजरायलीहरूको मृत्यु
प्रतिकृया दिनुहोस