“मृत्यु अटल सत्य छ भन्ने जान्दाजान्दै पनि हामी अन्जान बन्छौँ”
- गाउँ सहर डेस्क
- १२ भदौ बिहीबार, २०७६ | १७:३९:०० मा प्रकाशित
काठमाडौँ । महात्मा बुद्धको समयको कुरा हो । मृत्युपछि आत्मालाई स्वर्गमा प्रवेश गराउनको लागि पण्डित कुनै विशेष कर्मकाण्ड गर्दथे । यसको विपरित पण्डितले जमेर दान-दक्षिणा लैजान्थे । मानिसहरु आफ्नो मृत परिवारजनको स्वर्गमा स्थान दिलाउनको लागि पण्डितको हरेक कुरा मान्दथे ।
एकदिन गाउँमा एक बृद्ध पुरुषको मृत्यु भयो । उनका छोराले यो सोचे की, पिताजीको आत्मालाई स्वर्गमा स्थान दिलाउने । उनले महात्मा बुद्धको मद्यत लिए । ति युवक बुद्धकोमा गए र भने— कृपया कुनै यस्तो उपाय बताइदिनुहोस जसले गर्दा मेरो पिताजीको आत्मालाई स्वर्गमा स्थान मिल्न सकोस् ।
बुद्धले भने— तिमी दुइवटा माटोको भाँडो ल्याउ, एउटामा पत्थर र अर्कोमा घीउ भर । दुबै भाँडालाई लिएर नदीको बीचमा हातले फोरिदिनु । यसपछि के भयो, मलाई आएर बताउनु ।
युवकलाई बुद्धको कुरा दिमागमा त घुसेन तर उसले त्यस्तै गरे, जस्तो बुद्धले बताएका थिए ।
भोलिपल्ट युवकले बुद्धलाई भने कि— पत्थर र घीउले भरिएको भाँडालाई नदीमा लगेर मैले फूटाएँ । पत्थर भएको भाँडामा प्रहार गर्दा फूट्यो र पत्थर पानीमा डुब्यो । घीउ भएको भाँडामा प्रहार गर्दा भाँडा फूट्यो र घीउ नदीसँगै बग्यो ।
बुद्धले भने— के कुनै मन्त्र या कर्मकाण्डले पत्थर पानीको माथी र घीउ पानीको सतहमा गएर बस्न सक्छ ?
युवकले भने— यस्तो त असम्भव छ, हुनै सक्दैन । न पत्थर पानीमा तैरिन सक्छ न घीउ डुब्न ।
त्यसपछि बुद्धले भने— ठीक यस्तै तिम्रो पिताजीसँग भएको छ । उनले जुनसुकै राम्रो कर्म गरेका छन तिनले उनलाई स्वर्गको दिशामा लैजानेछ र नराम्रो कामको कर्म गरेका भए नरकतर्फ लैजान्छ । तिमी जतिसुकै पूजा, जप गर उनको कर्मफल परिवर्तन गर्न सक्दैनौँ ।
यस प्रसंगले मृत्यु अटल सत्य छ भन्ने स्पष्ट गर्दछ । मानिसहरु यो सत्य जानेर पनि अन्जान जस्तै बन्छन् । केही व्यक्ति जीवनभर केवल नराम्रो काम मात्र गर्दछन, यस्ता व्यक्तिलाई कसैले सम्झँदैन । यहीँ केही व्यक्ति जहिल्यै अर्काको मद्यत गर्न तयार हुन्छन, यस्ता व्यक्तिलाई सम्मानसहित याद राखिन्छ ।
हामीले यो कुरा बुझौँ कि यस्ता व्यक्तिलाई स्वर्गमा स्थान मिल्नेछ ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस