“संघीय संसद भवन अगाडि मेलम्ची आयाेजनाले खनेकाे सडक र पुरेकाे पीच”
दुईतिहाई सरकारकाे एक वर्ष, प्रचण्डकाे खाेजी
- गाउँ सहर डेस्क
- २ फाल्गुण बिहीबार, २०७५ | १८:४४:०० मा प्रकाशित
काठमाडाैँ । केपी शर्मा ओली नेतृत्वमा गठन भएको नेपाल कम्युनिष्ट पार्टीको सरकारले आज ३६५ दिन अर्थात एकवर्ष बिताएकाे छ । दुईतिहाईकाे सरकार बाजा बनाउँदै स्थापित भएकाे थियाे, २०७४ फाल्गुण ३ गते । याे एकवर्ष भित्र ओली सरकारले अधिक सपनाहरू बाँडेका थिए । केही पूरा भए, हुँदैछन् तर अधिकांशत पक्षहरूमा सरकारले बाेलीनुसारकाे व्यवहार प्रस्तुत गर्न सकेकाे छैन ।
नेकपा पक्षधरहरू विकासकाे मूल फूटेकाे देख्छन् तर विपक्षी लगायत सर्वसाधारण जनतामा त्यस्ताे मूलै फाटेकाे अवस्था पाउँदैनन् । एकाथरी सरकारकाे भजनमै व्यस्त छन् त अन्य विराेध गरिनै रहेका छन् । यहाँ अर्काथरी मानिसहरू पनि छन् र ? ती पनि जनता हुन् र ? भन्न थालेका छन् । यसकाे मतलव सरकार आँखा भएर पनि नभएकाे जस्ताे गरेर हिँडिरहेकाे छ अनि नराम्रा र नगरेका कुरा याे गरेनाैँ भन्नेलाइ विराेधीकाे संज्ञा दिइरहेकाे छ ।
यही सरकारकाे एक वर्ष पूरा गरेकाे उपलक्ष्यमा हामीले पनि सरकारका सकारात्मक र नकारात्मक दुबै पक्षलाई केलाउन फाइल पल्टाइरह्याैँ । हाम्राे अनुसन्धान यदि सरकारले फेल र विराेधीकाे कान्लामा नराखे निश्पक्षताकाे प्रतिक हुनेछ । भाेलीकाे दिनमा सरकारले याे पेज पटक-पटक, अधिक पटक पूनरावलाेकनकाे अवस्थामा प्रयाेग गर्न र सिक्न सक्छ । आउनुहाेस १२ सकारात्मक र १२ नकारात्मक बुँदा हेराैँ, सरकारका ३६५ दिन ।
१२ सकारात्मक कुराहरू
- सपना देख्न सिकायाे
- सामाजिक सुरक्षा कार्यक्रम
- प्रधानमन्त्री राेजगार कार्यक्रम
- विभिन्न ऐनहरूकाे निर्माण
- घरमै बसेर राजश्व भूक्तानी गर्नसक्ने बनायाे
- नयाँ प्रणालीभित्रै संविधानसँग असहमत र अस्वीकार गर्नेहरूलाई समेत सँगै लिएर हिंडन सफल
- शक्तिको बाँडफाँड, काम र जिम्मेवारीको व्यवस्थापन र कार्यान्वयन
- चीनसँग बाटो खोलिएको
- रेलमार्गमा थाेरै काम,
- जलमार्ग प्रयोगमा सुरूवाती काम
- वैदेशिक राेजगारीमा थाेरै व्यवस्थापन
- मन्त्रिपरिषद कागजरहित
१२ नकारात्मक कुराहरू
- संक्रमणकालीन, सामाजिक न्याय र सुरक्षामा स्खलित सरकार, वाइडबडी, निर्मला पन्त, सुनकाण्डमा चुकेकाे सरकार
- भ्रष्टाचार घटाउनमा भन्दा बढाउन, माैलाउनमा सहयाेगी, कर्मचारी चिढ्याउनु, वास्तविक कर्मचारी समयाेजन देखिएन
- आर्थिक प्रगतिमा बाेली र व्यवहारमा झुटकाे खेती, आयाेजनामा प्रगति नहुनु, पीटी क्यासकाे व्यवस्था अझै गर्न नसक्नु
- सीमित घेरामा मात्रै रहने प्रवृित्त, प्रतिपक्षी साथमा लिएर हिँड्न नसक्नु,
- कमजाेर सरकारकाे नेतृत्व, ओहाेदाकाे बाेली नदेखिनु, सुविधाभाेगी हुनु
- वैदेशिक राेजगारी घटाउन असक्षम, शिक्षा नीतिमा आलाेचित
- कुटनीतिक असक्षमता, अस्पष्ट परराष्ट्र नीति
- पार्टी हाे की माेर्चा, बेहाल संगठन
- सामाजिक सञ्जाल फेसबुक, ट्वीटरमा साना प्रगति हालेर मख्ख पर्ने प्रवृत्ति, ठेकेदार र सिन्डिकेडमा चुकेकाे सरकार
- विकल्प दिन खोज्नेलाई पाखा लगाउने प्रवृत्ति
- दुई तिहाईको दम्भमै एकवर्ष, सरकारका गफ बढी काम कम, बाघकाे संख्या बढेकाे कथा र ढाेलपिटाइ
- प्रजातन्त्रमाथि खतराकाे संकेत
नेकपाभित्र सरकार चलाउन प्रचण्डकाे खाेजी
ओली सरकारका आलाेचनाहरू बढ्दै जाँदा पार्टी बृत्तमा अर्का अध्यक्ष पुष्पकमल दाहाल प्रचण्डकाे चर्चा चुलिएर गएकाे छ । नेकपाभित्र पनि असन्तुष्टिका चाङ बढ्दै गएकाे परिपेक्ष्यमा कतै प्रधानमन्त्री फेर्नुपर्ने बहस आएकाे त हाेइन ? भनेर विश्लेषकहरूले बताउन थालेका छन् ।
हुन त स्वास्थ्यकाे हिसावले पनि कमजाेर बन्दै गएका वर्तमान प्रमलाई विश्राम लिनुपर्ने वाध्यकारी अवस्थापनि आएकाे देखिन्छ । उनले गर्न खाेजेका कुराहरूमा पनि अनेकतिरबाट सकारात्मता भन्दा नकारात्मक प्रहारहरू आएका छन् । चारैतिरकाे दवावमा उनले जसाेतसाे सरकार र पार्टी हिँडाइरहेकाे आंकलन जाे काेहीले गर्न थालेका छन् ।
यही भएर पनि अब प्रधानमन्त्रीकाे रूपमा प्रचण्डकाे ताैल बढ्नु असामान्य हाेइन । उनकाे आगमनसँग देशले थाेरैभएपनि परिवतर्नकाे आशा राख्नु स्वभाविक छ ।
सरकार पहिलेकै र पुरानै बाटोमा हिँड्दा पनि केही खास कामहरु गर्न सक्ने अवस्था थियो । दुई तिहाईको सुविधा भएर पनि काम गर्न सकेन । नागरिकमा नैराश्यता बाहेक केही देखिएकाे छैन । यति हुँदापनि सरकार नेतृत्व नथाक्नु र कसैलाई नसुन्ने हुनु सरकारकाे दरिलाे दृश्य हाे । संघीय संसद अगाडिकाे दुर्घटनाग्रस्त बाटाेले सरकारकाे उन्नति नजरअन्दाज गर्न सकिन्छ ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस