राष्ट्रिय तामाङ घेदुङद्वारा रेडियोकर्मीहरु सम्मानित
- गाउँ सहर संवाददाता
- १ भदौ शुक्रबार, २०७५ | १८:२३:०० मा प्रकाशित
भक्तपुर । २४औं तामाङ प्रसारण दिवसको अवसर पारेर नेपाल राष्ट्रिय तामाङ घेदुङले आज रेडियोकर्मीहरुलाई सम्मान गरेको छ ।
प्रदेश नं. ३ की उपसभामुख राधिका तामाङको प्रमुख आतिथ्यमा सम्पन्न उक्त कार्यक्रममा विभिन्न रेडियोमा कार्यरत १४ जना रेडियोकर्मिहरुलाई सम्मान गरिएको थियो ।
२०५१ साल भदौ १ गते तामाङ इतिहासमै पहिलो पटक रेडियो नेपालबाट तामाङ भाषाको समाचार प्रसारण भएको थियो। सोही दिनलाई हरेक वर्ष तामाङ प्रसारण दिवसको रुपमा मनाउदै आईरहेको छ।
कार्यक्रममा रेडियो नेपालका पूर्व सञ्चारकर्मी तथा तामाङ लेखक अमृत योञ्जन, ध्यान बहादुर मोक्तान, रमिता बल, ईन्दिरा थिङलाई विशेष सम्मान तथा रेडियो नेपालकै सुर्य मोक्तान, भक्तपुर एफएमका मोहन दोङ, रेडियो मिर्मिरेका विष्णु दोङ, थाहा सन्चारकी सन्चु ब्लोन, रेडियो सगरमाथाका बुद्ध योन्जन, रेडियो नमोबुद्धका जगतमान बल, रेडियो मनहरि हेटौंडाका जयराम मोक्तान र रेडियो जन सञ्चारका सुदिन दोङलाई सम्मान गरिएको थियो ।
कार्यक्रमलाई सम्बोधन गर्दै उपसभामुख तामाङले समाज परिवर्तनको लागि सञ्चार क्षेत्रको अति नै महत्वपूर्ण भूमिका रहने भएकोले सञ्चारकर्मीहरुले समाचारको सही स्रोत पत्ता लगाएर सत्यतथ्य अध्ययन गरेर मात्रै लेखन प्रसारण गरेमा समाजलाई सकारात्मक दिशातर्फ अघि बढाउन सकिने बताएन् । उनले बिना स्रोत र तथ्यहीन समाचारले समाजलाई कहिले पनि प्रगतितर्फ अघि नबढाउने भएकोले सञ्चारकर्मीहरु जिम्मेवार भएर लाग्नुपर्नेमा जोड दिइन् ।
नेपाल राष्ट्रिय तामाङ घेदुङका संघीय कार्यवाहक महासचिव प्रविनकुमार बलले संचालन गरेको कार्यक्रममा सम्मानित सञ्चारकर्मीहरु अमृत योञ्जन , रमिता बल, जयराम मोक्तान, तिर्थमान बल, काभ्रे जिल्ला चौरीदेउराली ३ नं. वडाका वडाध्यक्ष विनोद घिसिङ , ह्याङला आदिवासी तामाङ समाजका अध्यक्ष कर्मा लोप्साङ लामा, नेपाल तामाङ घेदुङका केन्द्रिय सदस्य हिरालाल दोङ लगायतले आ-आफ्नो शुभकामना मन्तब्य व्यक्त गरेका थिए ।
नेपाल राष्ट्रिय तामाङ घेदुङका संघीय अध्यक्ष तथा सम्मान कार्यक्रमका सभापति वीरबहादुर योञ्जनले सञ्चारकर्मीहरुले तामाङ समुदायको समाचार लेख्दा पक्ष-विपक्ष नछुटाइकन निष्पक्ष भएर समुदायको हितको लागि समाचार लेखन प्रकाशन र प्रसारण गर्न आग्रह गर्दै सम्मान कार्यक्रमको समापन गरेका थिए।
उक्त सम्मान कार्यक्रमलाई राष्ट्रिय तामाङ घेदुङ ईजरायलले विशेष सहयोग गरेको थियो।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- नेपाली सेनामा दुई हजार ६१५ रिक्त पदमा दरखास्त आवेदन माग
- लुम्बिनी बौद्ध विश्वविद्यालयको रजिष्ट्रार पदमा ७ जनाबीच प्रतिस्पर्धा
- सिन्धुपाल्चोकमा जन्ती बाेकेकाे बस दुर्घटना, ३ जनाको मृत्यु
- लुम्बिनी प्रदेशमा ११ सदस्यीय मन्त्रिपरिषद : ७ मन्त्रीले लिए शपथ
- शेयरबजार निरन्तर घट्न थालेपछि लगानीकर्ता निराश
- गोरखाका पाँच पालिकाद्वारा सार्वजनिक पदमा रहेकाले छोराछोरी सामुदायिक विद्यालयमा पढाउनुपर्ने निर्णय
- ग्लोबल आइएमई बैंक र हब इन्टरनेशनल एजुकेशनबीच सम्झौता
- एसीसी प्रिमियर कपको सेमिफाइनलमा नेपालकाे भेट युएईसँग
- नेप्से लगातार ओरालो, परिसूचक घटेर २ हजार बिन्दुबाट तल
- नेपालकाे लगातार चाैथाे जीत, साउदी अरबलाई ६ विकेटले पराजित
प्रतिकृया दिनुहोस