संसद
संसदको बैठक पनि अवरुद्ध
- ३२ असार सोमबार, २०७५ | १६:२९:०० मा प्रकाशित
काठमाडौं । नेपाली कांग्रेसले सोमबार चिकित्सा शिक्षा विधेयक र डा. गोविन्द केसीको अनसनलाई लिएर दोस्रो पटक बसेको संसद बैठक पनि अवरुद्ध गरेको छ ।
कांग्रेस सांसद पुष्पा भुसालले सरकारले जुम्ला गएर केसीसँग वार्ता गर्नुपर्ने माग गरेकी थिईन् ।
कांग्रेसका सांसदहरुले उभिएर बिरोध गरिरहेपछि सभामुख महाराले साउन ३ गते १ बजेसम्मका लागि संसद बैठक स्थगित गरेका छन् ।
विपक्षी सांसदहरुको अवरोधका कारण शिक्षामन्त्री गिरिराजमणि पोखरेलले सम्बोधन गर्ने समय पनि पाएनन् ।
सभामुख कृष्णबहादुर महराले सरकारको धारणा जानकारी गराउन मन्त्रीले समय मागेको भन्दै विपक्षी सांसदहरुलाई बस्न आग्रह गरेका थिए ।तर, कांग्रेस सांसदहरुले अस्वीकार गरेका थिए ।
प्रतिकृया दिनुहोस